حياكم بنات الرياض جولتي بالمطابخ

مساء الورد طبعا المطابخ صارت الاسعااار ناااار مو زي اول  الرياض لفيته وللاسف مالقيت الي يرضيني من ناحيه الجوده وان وجد غالي بحدود 70 الف علما مطبخي صغير 4/4 
مطابخ عالم حواء غاليه لانهم يحسبو بالكبينه كل كبينه بحساب والمتر 1850 
ورده جوده روعه وشغل مرتب بس الالوان مو ذاك الزود وكلش فورميكه مافيه المنيوم 
السعودي وفرعه بمخرج 9 اسمه يوروشيكا غااااالي يقول طالما ماوصل 80 الف يعتبر زين 4/4 والله بنظري اشوفه حرام واسراف 

البقيه اما شغلهم يجيب الهم او جنسيه مايعجبني شغلهم 
ايكيا هذا الي شكلي بتوجه له اش رايكم فيه الي عملت مطبخ عندهم لاتبخلون بتجاربكم 

9 تعليق 3,214 مشاهدة

شاركي في النقاش

سجلي الدخول لإضافة تعليق.

التعليقات

9
  1. @mnayr999

    ايكيا شكلهم حلو وراايق بس نوعيته خفيفه وماتتحمل مصممه للاوروبين واستخدامهم الخفيف
    احنا مواعين وكركبه وطبخ كل وقتنا نحوس فيه
    للامانه ماجربته بس شفتهن واسرتهم الخشب جربنا وماتستحمل جودتها سيئه

    برايي روحي لمحلات التفصيل اللي بالحراج ماقصد مستعمل هم يفصلون لك ابحثي عن موديل معين وروحي لهالمحلات ارخص


    تصدقين قريبي اشترى غرفه نوم غاليه من هوم سنتر اعتقد المهم شافها عامل كان مفصله غرض قاله اسوي لك مثلها بالضبط ونصف السعر الناس يجيبون تصاميم لغرف ومطابخ ونفصلهم باقل قيمه
  2. @lamour_lamor

    انصحك بمطابخ السليماني بمخرج 17 روحي وشوفي اخذت مطبخي منهم صاج
    يكفي تعاملهم غلطو بالمقاس ورجعو صلحوه
    لقيت كم دولاب ممخش مخوش بسيطه لو غيري بتمشيها بس انا عشاني احب ادقق طلبتهم يرجعونها وفعلا اخذوها ورجعوها مرشوشه ومظبطه وكل مالقيت ملاحظه قلت لهم عليها ورجعو يصلحونها يمكن 7 مرات جوني يعدلون الي ابي
    نفسهم طويل مع الزباين وشغلهم حلو

    ايكيا ما انصحك فيهم خشب ومعروف لخشب مايتحمل كرفنا
  3. @tyfk_shrny

    شوفي اختى انا رحت مطابخ عالم حواء وشفت الاسعار مثل ماقلتي ورحت لمحلات المطابخ اللي على طريق انكاس خالد بن الوليد حاليا يمين وانتي رايحه شرق تلاقين الاسعار بالمتر ولاتختلف عن عالم حواء المتر 1200 او 800 ريال الاسعار مثل ماتمنين وافضل انا رحت الاسبوع الماضي قبل العيد وبالتوفيق

تابعي تجارب أخرى من هذا القسم.