مسك الختام التباااشير (10)في تجمعنا ال29لأمهات سبتمبر &اكتوبر

غصن،، طيب ليه ماتروحي تقولي لدكتورتك وتفحصك وان شاء الله مافيك الا العافيه

فعلا الأيام تجري كنت اقول متى يعدي النفاس والحين كم يوم واكمل شهر

السلام عليكم ورحمة الله وبركاته ..
وشلونكم يااروع اخوات واغلى تجمع مشتاقة لكم وكنت اقرا متى ماقدرت الايام الماضيه ..

الف مليون مبروك لكل الي ولدو بعدي والحمدلله على سلامتكم وسلامة نونواتكم وربي ياجرنا على ماشفنا والحمدلله ..


جيت اقول لكم قصة ولادتي مع اني للان مو مصدقه اني خلاص ولدت وصرت ام لاحلى بنوته الله يخليها لي ويبارك فيها..

طبعا زي موعارفين سوت لي توسعه الدكتوره الاربعاء وكان ٢ سم وقالت لي الراس مرتفع عن الحوض واليوم الي بعدها نزلت معاي الافرازات الثقييله اللزجه على صفار ..
يوم السبت قلت لازم اروح واتطمن واشوف وش قصة هالافرازات لايكون الرحم فتح اكثر وطبعا الطلق معي بس بارد تجيني طلقه قويه جدا وتشد وبعدين خلاص متى تجي الثانيه.. رحت لدكتورتي السبت المغرب وكشفت داخلي والحمدلله قالت لي لا ماشالله الرحم مفتوح ٤ سم وسالتها عن الراس قالت لسه مرتفع بس ان شالله يمشي الحال روحي اليوم وامشي كثير وتعالي بكره الصباح واطلعي الطواريء واستدعيني طبعا فرحت جدا انا وزوجي وصار يدعي لها وطلعت بس كانت معي طلقه جامدة مع الكشف قلت لزوجي ابصبر شوي ولا اطلع فوق اذا زادت وفعلا شوي وراحت رجعت البيت و رحت لاهلي وماقلت شي ابدا لهم وبعدين بالليل رحنا مشيت بس ماطولت جتني وسوسه لا يفتح اكثر من المشي ..
وطول الليل انظف واجهز ببيتي عشان اذا رحت ولاده كل شي. نظيف ولا نمت وزوجي قلق معاي
نمت بعد الفجر ساعه وشي وصحيت اتحممت واتبخرت بمويه ومره وكمون وحلتيته وقشر بصل وشربت حليب بالقرفه والقرنفل والعسل قلت عشان هالاشياء تحمي لي الطلق وتفتح الرحم بس استغربت ان الطلق الي من بداية التاسع معاي اختفى من اخر الليل شد علي شوي بعد الكبو وبعدين خلاص..
توكلنا على الله للمستشفى الساعه ٩.٣٠ وطلعت لقيت الدكتوره المناوبه وقلت لها السالفه وحطوا لي التخطيط وكشفت داخلي وقالت لا يزال ٤ لو فيه طلق كلن فتح اكثر والتخطيط مافيه طلق اختفىىىىىىىىى يجي كل حين وحده ولا بنص قوة طلقي الي اول بديت اشم حلتيته مانفع دقيت على دكتورتي ماردت قلت لزوجي استدعوها بس جتني الدكتوره المناوبه وقالت انا اقول روحي البيت واشربي قرفه وتعالي بكرا قلت طيب حطي صناعي قالت نخاف غالبا الصناعي مع البكريه بالاخير يصير عمليه لكن انزلي صوري عشان نتطمن على المويه والنونو وفعلا لبست عباتي ونزلنا للتصوير وقلت مو رايحه لدكتورتي الا بعد التصوير عشان اوريها النتيجه مره وحده وننتظر ساعتين الين ١٢ عشان نصور وقالي كل شي سليم قلت طيب يبان تبرز الطفل بالتصوير قال احيانا فيه علامات والحمدلله كل شي طيب .. اخذت التصوير وطلعت اوريه دكتورتي مالقيتها بالعياده طلعت فوق لقيت طبيبتي مع المناوبه يوم قلت لها قالت خلاص بنسوي لك دخول ... انهبلللللت قلت طيب تقول مافيه طلق ؟؟ قالت اني اصلا مفتوح الرحم مايحتاج حنعطيك محلول وتتيسر وكنت انا وزوجي ميتين تعب لاننا مانمنا وكنا ناويين نرجع وننام يوم قلت له انهبل وقال يالله خيره وفعلا صليت الظهر وحطو الطلق من الساعه ١ وجا العصر ومافيه شي الطلق متباعد ومو قوي طلقي الطبيعي اول اقوى وتكشف الدكتوره برضه ٤ مازاد والراس فوق اكلت تمر شميت حلتيته مافي شي ..و على المغرب جت الممرضه حطت لي ابره بالمحلول واقولها ايش هذي قالت مسكن قلت ليش الطلق الي فيه محتمل ابيه بعدين مادريت الا الدنيا تلف فيني وبديت ادوخ وخفت مره ماعندي احد وزوجي راح يصلي يوم جا اكلمه ولساني ثقيل واقوله ماادري ليش عطتني المسكن طبعا كنت احس بطلقات مو قويه لمن انتبهت لجهاز الطلق طلع الطلق زاد وياصل طلق الولاده قوي بس ما احس من المخدر وطلعت زادت الطلق عشان كذا عطتني المخدر ودقيت على اختي وقلت لها تجيب لي قرفه عشان يتحمى الطلق وحطت معاه زعتر وشربته وتخيلوا وش يصير؟؟؟! الطلق بدا يخف ويتباعد!!!
وقالت الدكتوره ابفتح موية الراس مع انه الراس مرتفع لكن يا يتسرع الطلق وينزل الطفل ياخلاص مالك الا قيصري وفتحت المويه ولقتها خضراء قالت خلاص الطفل متبرز ومانقدر نصبر عليك باقي عليك كثير الراس فوق والطفل متبرز ونخاف يضره ..قلت وكلت امري لله اهم شي بنتي مايجيها شي وفعلا علطول جهزوني للعمليه وتخيلو ماقلت لاحد شي وكنت اكلم امي كل شوي عشان ماتشك واقولها معزومة ابطلع مااقدر اجيكم ولمن اتقررت العمليه كلمت اختي واخوي وقلت لهم وقلت اذا ولدت بشرو امي ماابيها تنفجع علي وتتضايق لانها تكره العمليات ودخلوني على ٩ وقالي طبيب التخدير متى اكلتي قلت المغرب ٣ تمرات قالي وش رايك نعطيك بنج نصفي قلت انا ابي نصفي واتوكلت على الله وبداو يجهزوني وبعدين جلسوني على سرير العمليات وحضنتني ممرضه عشان مااتحرك وقالي الدكتور قوسي ظهرك وكان يسالني عن طولي واسمعه يقولهم طويله وحط صباعه على مكان في ظهري وقالي هنا حتحسي بالابره وفعلا حسيت بغزة الابره و فجاه حسيت بكهربا قويه برجلي اليمين من فوق الين تحت نفضت رجلي وصرخت واسمعه يقولهم عشانها طويله وبعدها راح الالم وبدا التنميل وركبوا القصطره وجت الدكتوره وفعلا زي وصف رويناء تحسي بضغط على بطنك احساس غريييب وقلت لهم ابشوف النونو وكنت بس اقرا وفعلا مادريت الا الممرضه الي عند راسي مع طبيب التخدير تقولي مدام بتشوفين بيبي قلت لها ايه قامت رفعت راسي وشالوا الحاجز الي بيني وبين الدكتوره ...

يااااااالله يا بنااااااااات

واشوف بنتي وهم يطلعونها ويطلع الحبل السري ملفوف على رقبتها والبنت زرقاء على سواد وصرت ابكي وتقول الممرضه لييش تبكي هي طيبه .. كان احساس خوف وفرحه بنعمة ربي ورحمته وصرت اشهق وانا اصيح ودكتور التخدير يقولها خلاص يكفي ونزلت راسي واخذوا حبيبتي وانا اسمع بكاها وابكي واقول الحمدلله لحظه مااتخيلها .. وكملوا شغلهم واحسهم يضغطون على بطني شكلهم يطلعون المشيمه .. وجلست نص ساعه على ماخلصوا و صرت ارجف من البرد ودخلوني غرفه وحطولي خرطوم هواء حار داخل بطانيتي الين دفيت واستقرت اوضاعي وودوني لغرفتي ..
وهم ساحبيني طبعا مغطيه وجهي بالشرشف سمعت زوجي واخوي وهم يمشون معي ولقيت اختي بالغرفه ولمن حطوني مكاني شوي وتدخل حبيبتي غناتي الله يطول بعمرها امي وهي تصيح وتحضني .. الحمدلله على نعمته

طبعا القيصري فرج من الله لكن آلامه وتعبه كبيير وماانسي بعد ماطلعت غرفتي بشوي رفعت السرير لان ظهري عورني وصرت ارجع واحس اني ابمووت مااقدر اتحرك وبدات الالام العمليه وارجع حسيت العمليه بتتفجر ..
كانت ليله صعبه جدا مع الالام حتى بنتي لمن جابوها حبيبتي ودي اشوفها وابوسها موقادرة افرح فيها زين لكن الحمدلله عدت على خير ورزقني ربي باحلى بنت حبها ينسيك الدنيا ومافيها..


يااارب تيسر للباقين بولاده طبيعيه ميسره ولا تحرمنا الاجر..

يسلمو على ردود
بنات تاخر في رد انشغلت وانا اقرا عن
الحلتيت تنصحوني اجربو بكره قبل ما اروح دكتوره؟

الف الف مبروك وفيه وسوق وكمان مجد والله امسى كله افكر فيك الحمدالله على سلامه