الميزانيه والتووفيررر الذكيه تدخل

عليكم بالصدقه اختي حتى لو قليل مع كل راتب والله المستعان الاقساط هي سبب اغلب المشاكل

حبيبتي انا صرت خبيره بموضوع تقسيم الراتب
وراتب زوجي اقل بكثير من راتب زوجك ماشالله بس الحمدلله يبقالنا الي يوكلنا لاخر الشهر ويسترنا
صح انه يبقالنا مبلغ بسيطه ميه ميتين بس رحمممه من اننا نتسلف لان تعقدت من الديون جدااااا
عندي اجل على خبز وجبن ولااتسلف خلاص اكتفينا من الهمز واللمز والحاجه الله يغنينا بفضله

لكن انتم ان شالله مع هالراتب ماراح تحتاجين ولاتطفرون
اولا راتبكم صح مايكفي
بس ان شالله يغطي الي ذكرتيهم خصوصا ان عدد افراد الاسره قليل فان شالله يغطي

انا باكتبلك تقسيم ويارب يعجبك
وابغاك تاخذين دفتر او 60 وتكتبين كل شهر وبنود الي اكتبها لك و تحطين صح على الي مشيتي عليه
واللي تحسين ماضبط معك حاولي تعدلي بالجدول باللي يناسب حياتك

انصحك يالادخار
ومعرفه كل ريال يدخل ويطلع على البيت لازم زوجك يكون متعاون عشان تقدرون تامنون لانفسكم ولعيالكم الي يسترهم ذل الحاجه

بسم الله اولا



الراتب : 10،500 ريال

البنود الثابته شهريا :

البنك : 3,500
الايجار : 1,435
بنك التسليف :750
قسط الارض :2000

الباقي : 2815 ريال

هاذي الي ذكرتيها

باضيف

الفواتير : 700 ريال
الجامعه : 1500 ريال

الجامعه شهريا 1500 ريال
في شهرين يصيرون 3000 سددي الجامعه و الباقي خليها لك ولاطفالك على جنب
وكل شهر 1500 انتي تحتاجينها 4 شهور عشان تسددين
فاجمعيها افضل من انك تدفعينها بشكل كامل وتضغطكم
و8 اشهر الباقيه من السنه تصير 1500 لكم انتم
خدي منها 700 مثلا لمقاضي البيت كل شهرين
و300 جمعيها عندك لملابسك واغراضك الخاصه انتي واطفالك
و500 خليها على جنب حطي صندوق جمعي فيه الفايض بحيث اذا وقت حاجه يكون عندكم مبلغ يدفكم


الحين باقيلك من الراتب 615 ريال والحمدلله
اول شي بنتك 6 سنوات اتوقع تدرس
يوميا تاخذ 3 ريال فقط
نحسب الشهر 30 يوم نقصي الجمعه والسبت منهم
يبقى 22 يوم تقريبا المهم اصرفيلها 70 ريالات للشهر كامل وحطيها على جنب

يبقالكم 545 ريال
لو تقسمينها يوميا على 30 يوم تجي 18 ريال يوميا
تكفي ان شالله لبن ومشروب غازي (ارخص من العصيرات )
وتكفي خبز و صامولي ان شالله

اذا احنا قدرنا نعيش ب200 ريال صدقيني بتقدرين تعيشين بهالمبلغ صح يوجع ويقهر ويحز بالنفس
بس قولي الحمدلله وخليه دافع انك تدخرين من الراتب

حطي عندك صندوق كرتون وقسميه قسمين
وكل قسم حطي فيه ورقه
الفائض من الفواتير
الفائض من الجامعه
لانهم البندين الوحيدين الي في امل يبقى منهم
الي بقى منهم لو ريال حطيه
بتسفيدين منه جدا باوقات الحاجه تلقين مبلغ قدامك

مثلا الفواتير بقت خمسين ريال هالشهر والجاي نعمه والله تغطي مصاريف حليب الولد اقلها

والجامعه مثلا الحين هالشهر 25/12 اجمعي 1500
و 25/1 اجمعي 1500 صاروا 3000
وانتي تدفعين للجامعه 2800 يبقالك 200 ريال تكفي تاخذ لكم بصل وزيت وخضار يكفيكم اسبوعين ثلاثه

25/2 1500 حقه الجامعه خليها عندك لان مااتوقع في دفع شهر 2
فانتي لك تشوفين كم بيبقالك من تقسيم البنود والحرص على كل ريال يطلع ويدخل

ان شالله بعد سنه من التقسيم
بتكونين مدخره مبلغ كويس لو 3000 نعممممه اشتريبها طقم ذهب مثلا

وخليك متفائله ولاتحزنين وادعي ربي يغنيك و يعوضك بزوجك وعيالك
والله انا اسعد من الي حساباتهم مفلله الحمدلله يارب
لو كل شهر يمر مانتسلف هذا انجاز بالنسبه لي

بغيت اكتب لك ميزانيه اللي فوقي كفت ووفت جزاها الله خير

الله المستعان

مشكووره الف اخت hadyh الله يسعدك ماقصرتي