عروس عطتج فلوس وقالت اشتريلي مكياج كامل ... شنو تشترين؟؟

الله يسلمج حبيبتي هدوى

وحياج الله

مشكوره حبيبتي على مشاركتج

:26:

هلا وغلا بريحه هلي :22:

حبيبتي انا صارت معاي مرتين بس الله لايراويك مسئولية وتعب وودك تاخذين الزين وياشين السالفه اذا كانت الميزانية محدوده

نبدأ بالاساس

للطلعات العاديه كريم ماكس فاكتر والبودر بعد ماكس فاكتر تغطيه حلوه وكان يناسب بشرة العروس

للسهرات فاونديشن شارمل اللي على وردي والبودر سمايلنق 09

البيس من سيشيدو

بودر للفاينل توتش وللجسم بعد ولمعته حلوه من اليزابيث هيلين البرونز ومن غولدن ليدي الوردي

البلاشر علبه مس جولييت اللي فيها 24 لون بصراحه تجنن وتكفي وتوفي وفيها المطفي واللامع

الكحل الاسود والمولون والمحددات اغلبهم من سمايلنق واليجانس

بس اللون الاصفر والتركواز من شارمل

الايلاينر والماسكرا من لانكوم

وماسكرا من ماكس فاكتر2000

الشدو من مبروك العلبه اللي تجي فيها اربع الوان اخذت درجات البني والازرق والاخضر

وباليت شارمل الدائري

وعلبه شدو داني بصراحه تجنن وفيها الوان واجد

والكريم شادو الاسود من شارمل

وماك كاربون

والغلاتور الشفاف واللمعه اللحمية من شارمل

واخذت لها كم لون غلاتور

الفرش منوع ( ريد ستار /بودي شوب/ شارمل)

والشئ اللي احس صرفت عليه عدل هم الارواج لأنها عروس مثل ماتعرفين ولازم نهتم بالنوعيه والنكهه:22:

اخذت لها الوردي البيبي من ديور والوردي الحلو من ماك ولون وردي لامع من ايستي لودر وذهبي لامع من ايستي لودر لالحمر من غيرلان والعنابي من سان لوران ولون بيج ولون بنفسجي من ريميل
واخذت لها بيج من كراجا والبرتقالي واحد من غيرلان وواحد من بوبا وبعد كم وحده بس ما اذكرهم ونوعت لها غلوسات اللي اذكره من ديور ومن سيشيدو ومن بوبا


وهذا كله طلع بسعر خيالي بحكم معرفتي بالاساسيات والمحلات اللي تبيع بذمة وغالبا اخذ من محلات سوق السلاح اللي ورى الشايع او المنصور لأن اسعارهم تجنن

بس طبعا الماركات المعروفه مو منهم

مشكورة جهراووية علي الموضوع

بجد مميز

زي باقي مواضعيك طبعا



حوذانة


بتقولي في كلامك


البلاشر علبه مس جولييت اللي فيها 24 لون بصراحه تجنن وتكفي وتوفي وفيها المطفي واللامع


ياريت تقولي لي نلاقيها فين وسعرها كام؟؟؟
وانتي ساكنا فين ؟

موضوع جدا راائع ويسعدني الرد عليه بالاخص اني خبيرة ماكيااج في نضر اخواتي واهلي وصديقاتي
خبيره من كثر مااشتريه و اصرف عليه طبعا :42:

في البدايه نراعي
لون البشره ابيض حنطي اسمر
ونوعها دهني عادي جااف
وعمر العروس
وذوقها في الماكياج يعني تحب الثقيل او الخفيف او الطبيعي
غير فكرة البنت عن الماكياج حد ذاته يعني ماراح اشتري ماكياج كثير لوحده ماتعرف تحط الا روج وكحل طول عمرها ويجلس عندها الى ماتنتهي فتره صلاحيته وترميه
وارااعي الميزانيه لان في ناس ماعندها مشكله تصرف الاف على الماكياج (( احم احم مثلي :22: )) وفي ناس تحس ماكياج ب 800 ريال نعمه

اسفه عالاطاله وخلينا نبدأ في المفيد

المرطب قبل الماكياج توتال ايفكتس من ايف سان لوران او نيفيا سوفت عن تجربتي
اهم شئ عندي الاسااااااااس لانه هو اللي يخلي الماكياج زين او شين
اساس ميك اب فور ايفر حلووو ولو رايحه سهره باانصحه تخلطه مع ديرما كووول
الكونسيلر اما ميك اب فور ايفر او ايكلا من ايف سان لوران
بودره مضغوطه برضه من ميك اب فور ايفر او نيفيا للاستعمال العادي في الخرجات
بودره سائبه من جيرلان لاستخدامها على الاساس للسهرات
بيييييز قبل الاساس من ميك اب فور ايفر او الشفاف من سماااش بوكس
للاضاءه الكريميه للوجه في السهرات راح اخذ دايموند كريم من ميك اب فور ايفر
للحواجب التاتو من ميك اب فور ايفر للسهرات وقلم حواجب عادي ابو 10 ريال للايام العاديه
الشدووووو بصراحه افضل العلب اللي يجي فيهها 48 او 90 لوون بس اهم شئ يكون الوانها كامله وحلوه وثابثه وتبان بسرعه من اول لمسه هذي بصراحه مااعرف اسماء معينه لها بس هي العلب اللي تجي ب 50 ريال او 120 ريال من المحلات الرخيصه
شدوووووووو بيييييييس من ماكياجي وهذا اهم من الشدو حد ذاته وبكذا تقدر تحط اي شدو ويبين عليها
الكحل الاسوود من ريفلووون طويل واقتصادي ووسواده حلو
كحلين او 3 ملونه وسمعت الوان مااك حلوه وثابثه بس صرااحه ماجربتها
الايلاينر افضل برجووز لانه على شكل قلم واسهل في الاستعمال
الماسكارا ايف سان لوران او لانكوم لون اسود
اضاءه الفضي من ميك اب فور ايفر لتحت الحاجب ولكامل الوجه للفاينل تاتش والذهبي من بودي شوووب
فرش الماكياج الشنطه اللي من ماكياجي الكامله
احمر الخدود احيانا يكون متواجد في علبة الضلال اللي قلت عليها واذا لا فراح اخذ من ريفلون او ماكس فاكتور او نيفيا والاغلب لونين وردي ولحمي شرط يناسبون بشرتها
الاروااج و اقلام التحديد اي 5 او 7 الوان مناسبه لبشرتها بغض النضر عن ماركتها .. بالنسبه لي انا احب نيفيا ريميل ماكس فاكتوور برجووووووووز
3 ليب جلوووس من نيفيا واحد منهم شفاف حتى يجي على اي لوون ووردي و لحمي
مزيل ماكياج عيون من بودي شوووب
ومزيل ماكياج الوجه افضل المناديل من اي ماركه والافضل تغسل وجهها بصابون دووف بعد ازالة الماكيااج من رائيي


اتمنى مااكون نسيت شئ ومااقلقتكم بكثر كلامي

تقبلوا تحياتي