₪ ₪ تجمع "الحوامل والأمهات" بعد إجرائهن عملية أطفال الأنابيب "التجمع 17" ₪ ₪

كيفكم بنات طمنوني عنكم
بنات والله الخوف ذبحني والتفكير
امس البيبي ماتحرك ذبحت نفسي من الصياح ورحت ادور مستشفي يسوي سونار
وكلهم مسكرين يقولون الجمعه مافي سونار
ورجعت البيت والحمد لله تحرك
مدري شفيني بس منهااره
وخايفه يطيح البيبي ولا يلتف الحبل السري حوله ولا ولا اشياء كثيره وكلها سودا
ومن كثر التفكير صارت احلامي اشين
كل مااقرا عن الحريم اخاف
ودي تخلص الاربع شهور بسرعه واغمض وافتح واولد لان اعصابي صارت ماتتحمل الخوف
وش تنصحوني كيف انسى واتفائل وابعد الخوف عني

ياااا عمري ليه مسوية بنفسك كذا يا اختي هذا عدم ثقة بالله .... توكلي على الله و لما تيجيكي الوساوس قولي حسبي الله لا إله إلا هو عليه توكلت و هو رب العرش العظيم سبع مرات و راح تحسي براحة عجيبة الزمي الاستغفار و الدعاء فرب العباد رحيم كريم أرحم علينا من الأم على ولدها و الله أسأل أن يطمئن قلبك و يفرحك بالبيبي و يقر عينك انتي و كل اخواتي بهذا التجمع .... توكلي على الله عزيزتي فهو حسبنا و نعم الوكيل ... و احسني ظنك بالله دائما فكما تظنين سيعطيكي .... بعدين لسة انتي بالرابع يا اختي بدري على الحركة انا حسيت بالحركة في حملي الاول في اول الخامس .... الله يسهلك امورك 

صحيح بس سبحان الله الحياة تجارب و اختبارات ..و الواحد يتعلم من اخطائه .. و هذا جزء من الحياة ان الواحد تمر عليه تجارب و خبرات و يستفيد منها و يؤجر عليها .. يعني انا ما كنت ادري و لا اتوقع ان عندي كل الاشياء اللي مريت فيها لكن لله حكمه و الحمد لله ... الله يعوضج خير يارب و يتمم عليج الحمل :)


اي شعور بايخ لما ما يتحرك .. لكن هذي تصير عادي الاهم ان يتحرك اعتقد 10 حركات في اليوم..

لكن اللي اذكره من حملاتي السابقة ان ممكن الجنين يتحرك طول اليوم و تقولين متى راح ينام ما شاء الله وبعدها يوم كامل يكون خامل ...و اكثر من مرة كنت اروح المستشفى و تحط التخطيط على بطني و يكون يتحرك ..
المهم ان لما تصير هالحركة اكلي شي حالي او بارد ... الحلى افضل .. و نامي على الجهه اليسار و طقطقي على بطنج بالخفيف علشان لو نايم يقوم ..... و انتظري بتحسين بالحركة.. سبحان الله الحلى يخليهم يتحركون غصب ..
و بالنسبة للحبل السري في دكتور سعودي على اليوتيوب يتكلم قال الجنين في بطن الام ما يتأثر لو التف عليه الحبل السري لانه ما يتنفس و ياخذ الاكسجين من الحبل السري عن طريق الدم .. فلو التف ما يختنق لانه اصلا ما يتنفس فما راح ينقطع عنه الهواء ..فلا تخافين ..
بالنسبة كلنا نمر بمراحل خوف .. انا دايما اذكر نفسي اني لو خفت اوما خفت ... في النهاية الله خير حافظ و هو ارحم الراحمين و ما راح يأثر خوفي في شي .. لكن الخوف شعور طبيعي المهم ما يتحول لوسواس و هلع ..الخوف جزء من الامومة .. الطريق طويل .. الامومة كلها خوف انا ولدي عمره 12 سنة و سعات لو طلع افكر و اخاف و الشيطان يلعب في راسي :)
الله يتمم لنا يارب على خير..

فعلا كلام جميل لان حتى انا صرت موسوسه :"(

ملكه الله يعوضك يارب