الم شديد في ردفي اليسار وماعرف وش اسوي من الألم

بنات انا في الشهر السادس حاليا لي اسبوع تقريبا يجيني الم في الخلفية من جهة اليسار بين الحوض والردف لااقدر اوقف ولا انسدح ولا اتحرك بس على جنب حتى في السرير ماقدر انقلب للجهة الثانية لازم اتمسك بزوجي وبصياح والعذاب اقدر ارفع جسمي حاليا الطواري هو اللي يستقبل المرضى ومابي اروح اتبهذل واتعذب ولا يعطوني شي لاني سبق ورحت لهم وقالوا مانقدر نسوي لك اشعه ولا رنين مغناطسي ولا نعرف وش فيك ياربي تعبت ماعرف هل مريتوا بحالة شديدة زي كذا وهو هو شيء طبيعي يعني الم قوي تقريبا 9/10 قوته ولاتقدرين تمشين وتعرجين هل هذا بسبب الحمل هل هذا معقول كان فيني كسر داخل العظم قوي لايطاق لا زيت زيتون ولا مويه حاره ولا فيكس يهدي هالالم ساعدوني الله يرضى عليكم وطمنوني انا بكرية وكلن من سالت يقولون الم وثقل وتعب بس اللي فيني مادري وشو ؟

42 تعليق 10,898 مشاهدة

شاركي في النقاش

سجلي الدخول لإضافة تعليق.

التعليقات

42
  1. @am_allh_20

    جاني هالالم لما كنت حامل بولدي يا مها الله يكون بعونك زي الم خشونة العظام انا فسرته انه نقص كالسيوم وفعلا ماراح يسوو لك شي بالمستشفى للاسف الله يشافيك حاولي ترتاحي قد ماتقدري خليك مسدوحه
    طيب انتي تاخذي حبوب كالسيوم وحديد ؟
  2. @aat_allyl_r_2

    الالم انا يجيني و يجي فجأه زي الكسر كأنه خلع رحت لاستشاري عمود فقري يقول هذا من الانزلاق الغضروفي اللحين رجلي اليسار اغلب المرات متخدره و منمله الله يكون بعوننا و نولد بالسلامه
  3. @shmokhy_kbryaaa

    نقص كالسيوم عندك شكلك مدمنة قهوه وببسي قبل الحمل
    او زمان طايحة وفيك تمزق في عضلات هالمكان مع ضغط الحمل قام يأثر عليك

    المهم خلك مرتاحه وفيه مراهم مسكنه للعضلات اسالي الطبيبة تناسب الحوامل

    وربي يكتب اجرك ويكحل عيونك بشوفة ضناك بحضنك ويرزق كل محرومه امين

تابعي تجارب أخرى من هذا القسم.