السلام عليكم
كل عام وانتو بخير مع انها متأخره
الزبده
عندي عم مشكلجي ملقوف ومتقاطع مع ابوي من فتره طويله والغلط من عمي طبعاً
ومو بس ابوي الا متهاوش مع نص المملكه
هالعم كان يحبني وانا صغيره بس بسبب الظروف وبسبب تحريض حرمته صار حتى انا قاطعني ووده يتهاوش معاي ويجيب لي الهم زي مااسوا بأبوي
على فكره هو يكره ابوي وامي مع انهم مو مسويين فيه شي ويحاول بقد مايقدر يستفز امي او يتصل بابوي بس عشان يتهاوش معاه ويجلس يتكلم بأمي
مثل اخر مره مااشفناه الا متصل يهااوش يقول لابوي انت حرمتك لاعبه عليك وانت مو شايف بالدنيا الا هي ومن شين الطبايع مشتري لها طقم ذهب جديد !!!!!!
هو فعلا امي كانت مشتريه طقم جديد وراحت فيه زواج وحده من اقاربنا وحرمة عمي شاافتها واكيد هي اللي قالت لعمي
طبعاً صارت هوشه طويله عريضه بين ابوي وبينه وهو من يومها مااتصل بابوي يهاوش كالعاده
طبعاً امي ماااادرت عنه ولا تذكره لا بخير ولا بشر وهو حاااقد عليها اكثر من ابوي
يوم شاااف مافي فايده بابوي
صار فجئه يكلمني على الواتس مع ان ماااعمره فكر يكلمني من 10 سنوات للحين ..(مع العلم كتبت له قبل سنه بالعيد كل عام وانت بخير عمي .. كيف حالك ؟ ) حقرني ماارد مع انه شاف
المهم من شهر للحين وهو يكلمني مسوي فيها بالبدايه انا الطيب اللي احبك وانتي بنت اخوي مثل بنتي ومن هالكلام اللي لايودي ولا يجيب
مع اني ادري ان وراه بلا ومايتقرب الا وراه مصايب بس حاولت اكذب نفسي واقول لامابي اكون شكاكه واظن ظن السوء يمكن فعلاً الله هداه وتغير
بس لاااااا والله طلع شكي بمكانه
امي قبل اسبوع سافرت لخالتي لانها ولدت وعايشه برى السعوديه بس ببلد قريبه منا وراحت لها تباشرها ووبترجع هاليومين
ولما درى عمي انجن وصار كل يوم يلف ويدور يسألني عن امي
يسال كيف حالها ووينها الحين ووش صار معاها ؟
حسيت بفمه كلام
واليوووووووم جاني ع الواتس نفس الشي يسال عنها ويقول الحرمه اللي تترك زوجها وعيالها مااهي حرمه ولا تستاهل
قلت له نعم ؟؟
بس امي ماراحت تتمشى او تلعب تراها رايحه عشان اختها
قال ولو ( مع انه توه جاي من السفر ثاني يوم العيد وكان رايح يتمشى والحين حاقد على امي انها سافرت ويحسبها مثله رايحه تتمشى )
انا انقهرت وقلت له واللي يسافر عن زوجته وعياله بلا ايا داعي ؟؟
قال الرجال غيييييير
قلت ابوي راضي وهذا هو المهم
قال ترى زوجتي قالت تبي تجي معي بس ظروفها ماسمحت
(مع العلم زوجته سافرت مع عيالها بعد ماسافر هو ومايدري ان حنا نعرف )
قلت له : وزوجتك جلست يعني ؟؟ تراها سافرت لدبي ومدري وين بدوووونك
وامي رايحه تأدي الواجب لاختها وجايه ماهي رايحه تتمشى
وياليت نبقى حبايب لان التدخل بالامور الشخصيه ماينفع
طبعاً هو ماشاف هالكلام لانه طلع ومن بعدها مادخل بس الاكيد بكره بيشوفه
طبعاً انا قلت كذا وعصبت لانه يتكلم كثير على امي ويبينا نكرهها مع انها وربي بحالها ماهي مسويه فيه وبحرمته شي
بس هو وحرمته فيهم حقد دفيييين عليها وعلى ابوي وبدون سبب والله يشهد
وهم قرروا من انفسهم ان يحقدون علينا
وعلى فكره حرمته تغار من امي بقوه مع ان هي زوجها مدلعها اخر دلع
اكيد بكره بيقرا اللي انا كتبته بس مدري خايفه من ردة فعله اكيد بيهاوشني
بالنهايه مدري تحسون اللي رديته صح ؟
ولا بالغت ؟
ولو كنتو مكاني وش تسوون ؟
شاركي في النقاش
سجلي الدخول لإضافة تعليق.
التعليقات
41- اعوذبالله منه
ماعليك فيه حبيبتي وشدخله في امك
حتى لو هاوشك او تكلم فيك
قولي له اشوف امي شاغلتك لهدرجه انتم حاقدين عليها
وقولي مهما سويتم مراح اكره امي امي تاج فوق راسي ولاعاد تردين عليه احقريه - بالعكس كلامك جميل ومنطقي
وطنشيه خليه يزعل
الا امك لاترضين عليها
سلامااااات انا اشوف مناقرة حموات سلفات بس حمو ؟؟!!
وش حركات الحريم الي فيه هذي خيآآل اعوذبالله منه ماعليك فيه حبيبتي وشدخله في امك حتى لو هاوشك او تكلم فيك قولي له اشوف امي شاغلتك لهدرجه انتم حاقدين عليها وقولي مهما سويتم مراح اكره امي امي تاج فوق راسي ولاعاد تردين عليه احقريه
تسلمين ياخيال جعل ربي يرزقك الفرح ورضى والديك فديتك
اي والله ياختي شاااغلتهم امي بقوه
وابوي حذرني لما عرف انه يتواصل معاي قال انتبهي انتبهي احترميه وردي عليه بحدود بس لا تسمحين له يدخل بالعميق
لا تاخذين وتعطين معاه كثير ترى بالنهايه بيختلق المشاكل معاك وفعلاً كلامه صحيح- الله يعينككككككم على هالاشكال زين انك عطيتيه وجه وتردين عليه أحس لو انا بتفففل بوجهه لو حتى شيبة خير وش يبون بخراب البيوت ينقلع يتعبد ربه احسن له من مقابلة سوالف النسوان الله يشفيه
تاتي شوبينج888 بالعكس كلامك جميل ومنطقي وطنشيه خليه يزعل الا امك لاترضين عليها سلامااااات انا اشوف مناقرة حموات سلفات بس حمو ؟؟!! وش حركات الحريم الي فيه هذي
تسلمين ياتاتي فديتك جعل ربي يرضى عليك ووالديك
فعلا ترى هو يحب يدخل نفسه بامور الحريم ويتبع حرمته بكل شي
ويبيني ارضيه على حساب امي واقول له فعلا يااعمي كلامك صحيح وامي مااهي حرمه
بس نجوم السما اقرب له
مواضيع مشابهة
تابعي تجارب أخرى من هذا القسم.