من حصل لها استغلال اسم بالسعوده وتم رفض حافز لها افيدوني كيف احل قضيتي
السلام عليكم ورحمة الله
كل عام وانتن بخير اخواتي الحوائيات
ارجو من المشرفات الكريمات عدم حذف موضوعي لاني ماادري وين احطه احترت صراحه
بالاقسام
انا بعد ماسجلت بحافز اكتشفت بعد شهور انتظار اني غير مؤهله
وكانت الكارثه ان اسمي مستغل دون علمي
ومسجله بوزارة العمل والتأمينات بعد دون علمي
يعني حسبي الله عليه لاهو اللي مشا لي راتب ونفعني
ولاهو اللي خلاني استفيد من حافز
والأدهى من كذا
لي اخ مختفي من 7 سنوات
ايضا لقيته موظف بنفس المنشأه اللي موظفني فيها الظالم الحرامي
تخيلوا مستغل اسم شخص مختفي له سنين وماندري لو انه ولدنا تحت الارض :icon33:
والله ماصارت ولا يسويها شخص بقلبه ذرة انسانيه
عانيت كثير مكتب العمل يحذفوني ع الموارد
والموارد يحذفوني على التأمينات
والتأمينات يقولون روحي للرياض مالنا دخل لان المنشأه بالرياض ومسجلنا هناك :icon36:
شالوا اسمي التأمينات واسم اخوي الحمدلله
لكن وزارة العمل للحين مكتوب اننا موظفين بنفس المنشأه المزعومه :icon33:
يعني حافز ماراح يمشي لي ؟؟
سويت اعادة طلب
لكن خايفه يتم تجاهل طلبي
سؤالي / كم مره اعيد الطلب ؟ وهل بعد اعادة الطلب مرتين يتم الغاء اسمي نهائي من حافز
وايضا كيف اصل لوزارة العمل وين ارفع شكوى
اللي عندها خبره ياليت تفيدني الله يجزاكم الجنه
انا كلمت محامي قال اغسلي يدك من التأمينات ومكتب العمل
قال لو فيهم خير كان استدعوا الرجل اللي موظفكم وساجنينه لانه يعتبر مزور
وقاللي اقدر اطالب بالرواتب المستحقه اللي كاتب انه يمشيها لكم
بس رفضت حرام هالرواتب مال حرام لاننا مااشتغلنا ولا استحقيناها وربي يغنينا عنها :29:
الله يجزاكم خير جميعا .. واعتذر عالاطاله بس مدري وين اكتب
حتى تويتر ازعجت الناس ماعبرني احد :icon33: