موضوع عن المبتعثات رجاء اللي تبي تتفلسف ونفسيه لا تدخل/ تم الرد

الابتعاث = اختلاط والاختلاط = محاداثات بين الجنسين قد تكون بحدود الادب وقد تكون خارج حدود الادب
ولكن
كوني انا مبتعثه
انجبرت اني اتكلم مع شباب واشتغل معهم بقروبات وبصراحه الي مايبغى هالشي لايطلع من البدايه
من خلال شغلي مع الشباب شفت المحترم وشفت الغير محترم والاسوء شفت الي يدعي انه اخوك ويساعدك ولكن نيته شينه
وبالنسبه للبنات في المحترمات وفيه غير المحترمات وفي الي يصدقون النوع الثالث من الرجال يعني يسوي نفسه اخوها بعدين يقلب عليها وشفت من ذا النماذج كثير
المسأله مو سوء في البنات المسأله سوء تصرف من البنات يعني حتى الغير محترمه ماتدري ان الي تسويه غلط لأن بكل بساطه بيوم وليله جدار العزل التام ينهار
الامريكيه والاجنبيه عموما تعرف تتعامل مع الجنس الأخر بينما احنا يالسعوديات لا
نلقينها مره منعزله او مره متفتحه
ماتعرف تضبط اسلوبها وتعاملها
يجونك البنات المتزوجات وانا متزوجه على فكره بس علشان لايحد يفهم كلامي غلط
يجونك بعضهم يغارون على ازواجهم من السعوديات وببالهم ان ذا البنت اذا ضحكت فهي بتخطف زوجها منها وحاطه عينها عليه
وهذا الكلام غير صحيح هو بس سوء تصرف من البنات بس
زوجي احيانا يسلمون عليه السعوديات ويقولون له وصل سلامنا لزوجتك وهو يقول لي
وانا اذا شفتهم ابادر بالسلام لان الموضوع مو مستاهل غيره هم يشوفون زوجي مثل اخ او زميل فلو كبرت الموضوع بصير انا مسخره عند زوجي وعند البنات
وانا اشوف لا تكلمين زوجك ولا البنات خذي الموضوع ببساطه وخليك واثقه بنفسك وبزوجك وببنات بلدك

الله يعينك اكيد زوجك الخروف شاف هالمزز وانهبل وانتي لاحرية ولا سنع مثلهن وانقهرتي بزياادة
انتي شاغله بالك فيهن وهن مو حولك 
الله يوفق جميع المبتعثات ويردهن لبلادهن رافعاات راس السعودية

الحين بتجي سواقة السيارة للمرأة وبتراقبينهن بعد    عند الاشارات 

والله انا اشوف انتي اللي اسلوبك هجومي ..رد مخالف لرايك لازم تهينين صاحبته يعني!!

اجل قوقل للترجمه حق الجهله ههههه. اجل كلنا جهله !!!
محد تعلم من انولد ترا..

ولصاحبة الموضوع ماأقول الا صدق ان الحريم عدوات للحريم والله يعين على هالعقليات..

اشغلي نفسك
ادرسي
لا تخلي فرصة الابتعاث تكون نقمة عليك
ماغير تراقبين هالزوج وتدورين حوله
اللي ما يخاف ربه ولا يراقبه بيخونك ولا بيهتم
سواء مع وحدة من ربعنا والا مع اجنبية
لاتشقين نفسك بالهم والوسوسة والتفكير
وخليه يجمد ويثقل
البنات ما يتميلحون الا عند الرجال الخفيف

صادقه اشوف قدامي مثل كذا واتعجب ليش هاي المياعه في بلاد الغربه
يا خساره الاجنبيات احيانا اثقل من المغتربات سواء كان متزوجات او بنات
طبعا الكلام لا يشمل الكل وعلى المسلمه ان تبين خصائص دينها وكم هو عظيم وكم هي تحبه ومقتنعه فيه حتى يرى العالم عظمه الاسلام ورقي اخلاق المسلمات
بس للاسف اشوف المسلمه المتزوجه وهي لابسه حجاب ما يغطي شعرها والوان المكياج والمياعه ؟؟؟؟؟
ربي يهدي ويصلح ويغفر