وقت النفاس آنتي تعبانه و يجونك ضيوف و يطولون عندك موضوع للنقاش ^^

اللي ما يستحي منك لاتستحين منه
اعطيهم كاش في وجيهم انا بيتي مو استراحه ارسلي لهم مسجات على جوالاتهم اعتذر عن استقبالكم طوال ابام الاسبوع اللي تحب تزورني حياها الله يوم الخميس نظرا لظروفي الصحيه وبسس
لاتجاملي على حساب بيتك وزوجك
واللهم لك الحمد على اهلي وناسي
والله ياراعية البيت بس تنظفه وتبخره وتنتظر الضيوف وكل وحده تجيك تشيل وتحط في القهوه والشاي والقشر والحليب وحافظات العشاء لاهل البيت وكل ليله وحده تجيب لك شكل
ربي يسعدهم ويحفظهم من جد ما احس بقيمتهم الا اذا قريت مثل هالردود
غير انهم ما يمشون من عندك والا وهم منظفين مواعينهم وماخذينها معهم ومنظفين البيت للي ماعندها شغاله او بنات كبار الحمد لله :)

اعطيهم بعد كفين :43:

الله يعين

انا ماحب أزور النفاس الأبعد أسبوعين واجيب معي كل شئ وساعة واطلع اكرة أطول عند النفاس لآني اعرف انها تعبانة وطول اليوم ضيوف
واغلب قرايبي كذا والحمدلله

ربي يعينكم..

مرت اخوي ماهي من العائلة .. يوم ولدت حددت يوم لخوالها وخالاتها ويوم لعمانها وعماتها .. بعد العشرين ...

عشان ترتاح وهي ولدت وقت دراسة واختبارات وما أخذت غير اسبوع اجازة ورجعت تختبر وتداوم ..

واللي زارها بغير هاليومين مانزلت له .. اعجبتني ... البنت مشغولة وماهي فاضية ..

احنا مازرناها لاننا في مدينة ثانية .. لما جاتنا بعد شهرين تقريبا سوينا لها حفلة

...
احنا عندنا مانزور الحرمة الا بعد عشر ايام وندق عليها نستأذن وبين المغرب والعشا .. ما اتذكر احد طول عندي ابد ويجيبون معهم حلا او معجنات او اي شي ينفع للنافس.. مؤدبين جماعتنا فذيتهم...ههههههههه

ماشاء الله تبارك الله

عندي حل .. لاتعلمون انكم ولدتم ..هههههههههههه