في مقعد سياره زوجي..

السلام عليكم ورحمة الله وبركاته
ببدء على طول بالموضوع
نبذه عن زوجي. .
طيب..وحنون وفي نفس الوقت عصبي..مومقصرمعاي في شي ﻷني مومقصره معاه بشي. .ومهتم في أولادي. .
قبل 4 سنوات أكتشفت أن زوجي معاه علاقه مع وحده من البلدان اللي أنت تعرفوه
واكتشفت لما أخذت جواله وهو نائم. .
انهامرسلة صوره لها ف الحمام وحتى صور اللي خبري خبركم رسلتها
وكانت بنسبه لي صدمة كبيرة
وصارلي فترة أراقب رسايلهم لين ما أتصلت فيها وفهمتها اللي تسويه حرام كونها وحده مسلمه وسكتت
لكن ماكأني أتصلت..
وصارحته وأعترف انها مجرد نزوه
ورجع لها بعدأيام
المهم صارت أحداث كثيره
وتطلقنا. .






ورجعلنا لبعض بعدأسبوع
وبعدمرور4سنوات تقريبا

وقبل أقل من شهر أكتشفت
انه رجع لها
لاومعاه علاقه مع وحده ثانية. ..
هوحلف لي أنه مامسوي مع أي حدعلاقه محرمه مجردكلام وأنه تاب...

الحلوه مرسله صورها
وشفت محادثتهم وأنه بيحاول يرجعها من بلدها
وأنه عمره مانساها. .
وهي تزوجت وراح تتطلب
الطلاق ع حسب كلامها
غير الكلام اللي يستحي الواحديقوله
بس هالمرة صممت ع الطلاق وكسرت كل شي في الغرفه عشان يطلق..ورفض يطلق
واعتذر وهديت فكرت اني أسامحه عشان اﻷولاد
ومرأسبوعين ورجعت مثل اﻷول بس في قلبي نار
والمفاجأة والصدمه شفت
صوره في جهازه مصور مقعد سيارته اﻷماميه
يعني المقعد اللي أجلس عليه وفيه 2كلوت نسائي أبوخط
آآآآه كيف كان صمتي. ..الحين صار لي 3 أيام من شفت الصوره. ..وكل ما طالعت ف زوجي أحس نفسي أذبحه
وماخبرته باللي شفته
ﻷني تعبت..واعترف. شواسوي

شورو علي..شوأسوي؟؟