
فانيل نوار من ايف روشيه
متعودين ان عطور الفانيلا ريحتها سكر واضح ويبان انها حقة مراهقات او اطفال
بس هذا عطر نسائي للي يحبون الفانيلا (تحسي فيه شوية نضوج عن الفانيلا المتعودين عليها )
النوتة الاولى فانيلا واضحة + فلورال
النوتة الثانية بودة ومسك وتوابل خفيفة جدا جدا
بعد امتزاج النوتتين تطلع ريحة ناضجة ودافئة بعيدة عن عطور المراهقات كل البعد
انصح فيه المتزوجات >> لأني كمان سمعت اطراءات كثير من محارمي في العائلة وزوجاتهم
ثبات العطر ضعيف نسبيا
لكن رائحته جميلة جدا
بصراحة هالعطر تجربة لن اكررها لأن سعره مقارنة بحجمه وثباته (غير عادل )
العطر العاشر hot couture by Givenchy

هوت كوتور من جيفينشي
العطر حار جدا وجرئ وصارخ وواضح
لا انصح فيه النعومات ولا الخجولات
ريحته تطغى ع المكان
(سبايسي جدا + فلورال + بخور + خشب الصندل + سويت + فلفل وردي + مسك + فواكه مجففة بسيطة في النوتة الثالثة )
النوتة الاولى طاغية جدا وسبايسي جدا وحارة جدا >> يعني ممكن تسبب ازعاج لبعض الناس > انا عن نفسي احب هالعطر من النوتة الاولى الى النوتة الثالثة
النوتة الثانية تبدأ الحرارة تخبو وتتحول لدفء مشاعري عميق ويبدا الفلفل الوردي والسويت بالظهور
النوتة الثالثة تمتزج فيها النوتة الاولى والثانية مع الفواكه المجففة وخشب الصندل والبخور والمسك
وتصير يحة غريبة منفردة وغريبة وجميلة جدا جدا جدا
هذا الشي الجميل ما تفرق ريحته الاصلي او من سوق الجملة كلها مثل بعض
سعره مناسب ما يتعدى الميتين وخمسين ريال للعبوة الصغيرة

