♥OoO♥ ملــف كروشـــآت مكه المكــرمه ( لآخبار المستشفيــآت ) ♥OoO♥//استوفى الــرد

متابعة النقاش، صفحة 246

شاركي في النقاش

سجلي الدخول لإضافة تعليق.

التعليقات

2,072
  1. دكتورة عصمت جزاااارة حسبي الله عليها وربي كانت سبب في موت طفل واحده من قرايب زوج اختي وتمووت عالقيصريات بدون سبب وسوي بحث عنها بقوقل وشوفي مصايبها
  2. @lo0orana

    مين تعرف دكتورة حنان في باشراحيل ؟؟
    ضروووري عشان ابغى اولد عندها وانا ما قد سمعت عنها وخايفة
  3. @am_allh_20

    أم أرجوان الأمورة
    كلامك جدددا صدمني متي ولدتي عندهم قبل كم سنه انا ولدت عندهم قبل سنتين واختي كمان وصاحبتي قريب ولدت عندهم وحريم اصحاب زوجي 2ولدو عندهم وكلهم يمدحوو مو بس انا لو بقول صدفه والله عناااااية ونظاااافة والقابلات اللي في الكشك مافي احن منهم واعطو…
    والله يا أم ارجوان دايما يقولو الولاده حظوظ انا آمنت بهذا الشيئ خلاااااااااص عشان كذا هالمره وكلت امري على الله وهو اللي راح يحميني وبولد في الولاده والاطفال بمكه
    انا كتبت تجربتي في التونسي ويعلم الله اني ماكذبت عليهم كل هذا سار واكثر وللمعلوميه في حملي هذا ترى رجعت اراجع عندهم وعلى اساس اولد عندهم كمان لان الدكتور صلاح ممتاز العمليه في بطني والله احسن من عملية الدكتوره اللي في سليمان فقيه بالف مره عشان كذا كنت راح ارجع اولد عندو مع انو ولدني بدري من غير مايعطي النونو ابرة اكتمال نمو الرئه قبل الولاده ماكنا نعرف عنها ابدا المفروض هوا يقولنا عليها هوا الدكتور مو احنا وقعد النونو في المستشفى اسبوعين بسببها والحمدلله انو بخير وكان الدكتور يقول اطمني راح يكون بخير وانا ابكي
    ونسيت اقول الممرضات كنت اناديهم اترجاهم يعطوني مسكنات الألم لايحتمل يمين الله كانو يطنشوني وهالمره قلت لزوجي بكلم الدكتور من بدري اجيب معايا الادويه والمسكنات من فلوسي عشان لا يطنشوني
    لاكن بعدين زوجي عصب وقاعد يخاصمني كيف تروحي برجولك لمكان انتي مو مرتاحه فيه ولا مطمنه لهم وقال والله ماتولدي غير ف حكومي
    يارررررررررررررب يسهل عليا وعلى كل وحده حامل يارب
    والله حاسه معايا تبلد لان من جد ماعد اعرف ايش اسوي ولا فين اروح
    الاولى في سليمان فقيه ماحسيت بألم ابدا ولاده زي العسل لاكن بعدين لقيت جرح العمليه للاسف سيئ جدا جدا الجلد بارز حسبي الله ونعم الوكيل والم مكان الجرح استمر معايا سنه
    الثانيه عند صلاح ف التونسي بهذلوني وطلعت عيوني ايام الولاده وبهذلو ولدي لاكن جرح العمليه من احسن مايكوووون مشالله خلصت الاربعين ونسيت العمليه
    ودحين الثالثه الله يستر ماعرف اش اسوي بس خلاص بروح وانا مغمضه واللي يسير يسير

    ادعولي يابنات الله يسهل عليا وعليكم اتكلمت كثير كلو من الهم اللي شايلته

تابعي تجارب أخرى من هذا القسم.