جوالي ضاع وفيها الميموري ادعووووووووولي

الله يفرج همك

ربنا افرج عنك بس اختي ماتدعي على الشغالة وانتي اصلا مو متأكدة انها اخدته لان هدا حرام وانا خايفة عليك اذا ماكانت تستحق الدعا ارجعلك وربنا اعوضك خير ان شاء الله

الله يهون عليك بس يا أختي هذا الشيطان يحزنك كل هالقهر و والألم و كارهه الأكل عشان صور للذكرى !!

سامحيني مالك حق , اكثري من الحمد لله يا أختي في ناس تفقد عيالها يموتون في عز شبابهم

اطلبي العفو و العافيه من الله و الله يسهل عليك

يابنت الحلال قولي الحمدلله انتي بخير وزوجك بخير
وبناتك بخير وقدام عينك ربي يخليهم لك ويكبروا قدامك وتفرحي بهم
قلبتي علي المواجع والله .. صار معايا شي يشبه قصتك بس حكايتي تقهر اكثر
كان عندي شغالة تموت في الصور الله ياخذ عمرها
كانت تطلب مني صور لي ولاولادي وكنت ارفض وفهمتها انه مايجوز اعطيها صوري
اما صور الاولاد صرفتها قلت لها بعدين لمن بتسافري اصورك معاهم وطنشتها ..
وماقصدها شي غير انها تحب الصور وتبغى توري اهلها الناس اللي تشتغل عندهم
وانا متأكدة من هذا الشي .. اصلا عمرها كان صغير ماتعدت العشرين
خبلة وفيها طيش وهبل مو اكثر ..
كل ما افتكرها ادعي عليها بالعمى عشان ماعاد تشوف شي في الدنيا غير الظلام
الحيوانة قبل ماتسافر سرقت البوم كله صوري وانا صغيرة
البوم كنت اعتبره كنز ثمين صوري من عمري اقل من سنتين واكبر لين سنوات المراهقة
وكان فيه صور لي مع اخواني واخواتي واحنا صغار وصور لجدتي الله يرحمها ..
شي لاااايمكن يتعوض ابدااا : (
بتقولي كيف اخذته ؟
المفروض انك تحافظي عليه وتخبيه ..
والله كنت رافعته في دولابي في غرفتي ومحافظة عليه بعيوني
بس ماني عارفة كيف وصلت له الله يحرقها
غرفتي ماكانت تدخلها الا وقت التنظيف وانا فوق راسها ما اخليها لحالها ابدا
اصلا ما اكتشفت انه انسرق الا بعد ماسافرت باكثر من شهر
القصة هذي لها اكثر من عشر سنوات ولين يومك اموت واعرف كيف وصلت له
وماظلمتها انا متأكدة انها هي اللي سرقته لان يدها خفيفة من اول
مستحيل احد غيرها سواها ..
لو بقول حرامي دخل يسرق بيسرق شغلات اهم .. مو البوم صور مايعني له شي !!
وبغباوتي راح عن بالي افتشها قبل ماتسافر
امي قالت لي شكلها ساحرة سوت لك شي خلتك ماعاد تفتشيها مستحيل يفوتك شي زي هذا !!
والله لا هو سحر ولا يحزنون الا فهاوة مفاجئة تصير معايا ساعات رغم حرصي
وتخيلي طول ماهي عندي كنت ارسلها لاهلي فجأة واسوي حملة تفتيش
ومسكت عندها حاجات وبهذلتها وصرت اراقبها جبت لها الجنان بالحصار والتفتيش
شكلها الكلبة حبت تنتقم مني في شي مايتعوض وسوتها الله لايوفقها
ولمن سافرت مامعاها غير شنطة صغيرة ...
كيييييف راح عن بالي افتشها ما ادري مااا ادري : (
والله حسيت بقهر وغصة لازمتني شهور طويلة
بعدين قلت اقهر نفسي ليه ؟؟
دعيت ربي يكفينا شرها واستودعت الله انفسنا وخلاص
الحمدلله كلنا بخير ومبسوطين مافينا الا العافية
اهم شي ما تستعملهم في اذية بالاسحار حقهم
فإنتي لاتقهري نفسك وقولي الحمدلله واستودعي الله بناتك وربك الحافظ
ضياع الذكريات ان كانت بصور او اي شي ثمين فعلا يقهر ..
بس في النهاية كلنا في دنيا فانية مافيها شي يدوم وكله بيروح ..
عيشي وقتك وافرحي ببناتك واتأملي خير في بكرة
صوريهم كثير واطبعي من الصور نسختين وحدة خليها عندك في البيت
والثانية حطيها في صندوق حديد عندك في البيت والا وديها صندوق امانات في البنك
لاتخلي اي صور في سي دي والا ميموري ممكن يخرب وتروح عليكي وتنقهري ..
اطبعيهم احسن واحلى تشوفيهم في ي وقت ..
ربي يخلي لك بناتك ويسعدهم ويعوضك خير عن اللي ضاع منك ..

الله يستر عليك