السلام عليكم ورحمة الله وبركاته
اليوم جبت لكم حلا ان شاء الله يكون جديد عليكم
المقادير:
كيك امريكانا بالشوكولاته المستطيل
1 قشطه
1 دريم ويب
6 كيري
1 كريم كراميل
و للوجه:
1 كريم كراميل + كاس الى كاس ونصف سفن اب
الطريقة:
اول شي تجيبين كيك امريكانا المستطيل بالشوكولاته
و تقطعينه شرائح
و بعدين تصفينه بالصينيه بشكل متساوي و مرتب بدون فتحات
خلي كل الشرائح بنفس العرض عشان يكون السطح مستوي
و بكذا خلصت الطبقة الاولى
الطبقة الثانية:
تخلطين في الخلاط
6 حبات كيري - 1 قشطة - 1 مغلف دريم ويب - 1 كيس كريم كراميل
و تصبين الخليط بالتساوي على الكيك اللي في الصينيه
الحين نجي للشي المميز في هذا الحلا و هو شكل الشطرنج....
تجيبين بسكوت كتاكيت مولتو
تجيبين اللي بالشوكولاته و الابيض على فكره حجمه صغير اصغر من حجم بسكوت الشاي
و هذا شكلهم من برا
و تبدين ترصينهم على شكل شطرنج يعني وحده بيضاء وحده بنيه (انا مسويه صينيتين المقادير اللي اعطيتكم لصينيه وحده)
و اخر شي الطبقة الاخيرة هي
تحطين كاس الى كاس و نصف سفن اب على النار (على حسب رغبتك تبغين الطبقة خفيفه او اسمك)
و تضيفين عليه كيس كريم كراميل و تحركينه شوي بعدين تصبينه بحذر على الصينيه
بالعاااااااااااااااااااااااااااااافية
احلى شي ان مو بس شكله حلو لكن طعمه روووعه خطير الصراحه
و اذا برد زياده بالفريزر يطلع كنه ايس كريم عاد خلوني اشوف ردودكم و لا تنسوني من دعواتكم لاتنسون لمى تخلصون اكل
منقوووووول
وهذى اول مشاركة لى بالحلويات ويارب ماتكون مكرره
شاركي في النقاش
سجلي الدخول لإضافة تعليق.
التعليقات
30مواضيع مشابهة
تابعي تجارب أخرى من هذا القسم.