مشروع صغير يدر المال

طيب افتحي لك حساب بالاستقرام و جيبي شغلات من الصين رخيصه
من بلايز وكفرات جوال وبيعيها بربح
بالبدايه راح يمكن تكلفك ثلاث ميه تجيبين كم شغله وتعرضينها والباقي بس تحطي الصور من نفس الموقع واذا طلبت منك اي وحده شغله قولي لها هذي القطعه بالطلب تاخذ يمكن عشر ايام
السالفه سهله ومربحه بس يبي لها ضبط ميزانيه من حيث ان كل قطعه تحسبينها وتحسبين قيمة شحنها وتزودين ربحك
ولازم تكونين عندك اشتراك في البريد السعودي اعتقد مية ريال بالسنه

الله يرزقكم من واااااسع فضـله يـاارب

الله يرزقكم من واسع فضله

الله يرزقكم من واسع فضله

الفكره الاولى

اذا تعرفين معلمات اقترحي عليهم تجهزين لهم الفطور بشكل يومي
ويقطون لك بمبلغ يطلع حق خسارتك وتعب ومجهودك كل شهر
طبعا الفطور يشمل قهوه وشاهي وحليب واعشاب وحلى وكيك وفطاير واي شيء تقدرين تضبطينه وعلى حسب اتفاقكم

او شباب عزاب ترسلين لهم الغدا , وكل يوم طبق رئيسي وسلطه ونوع حلا ومشورب

هالافكار تضمن لك مبلغ شهري يدخلك وكمان اريح من تقعدين تسجلين وتنتظرين الطلبات


الفكره الثانيه

واذا زوجك رايق يوصلك ويجيبك
وانتي بمدينة فيها ايكيا , اعرضي خدماتك بتوفير منتجات ايكيا اللي تطلبها الزبونه وشحنها لمكان اقامتها بمبلغ اتعاب انتي تحديدنه
وايكيا موقعهم ولا احلى عارضين المنتجات واسعارها وكمان اذا متوفره ولا لا
او أي شيء مميز في مدينتك ومايتوفر الا فيها وتقدرين توصلينه لمناطق ثانيه


او اذا لك بالشراء عن طريق الانترنت
وسبق وجربتي مواقع تضمنينهم اطلبي للبنات وخذي عمولتك

هالافكار مو محتاجه رآس مال لكن محتاجه جهد ووقت وشطاره