شاركي في النقاش

سجلي الدخول لإضافة تعليق.

التعليقات

27

  1. @amyr_26

    انا مرة كنت مع ابوي ببندة اللي بالخبر

    واشترينا اغراض بسيطة شيبسات وشوكلاتات وكذا

    طلع الفاتورة زايدين علينا بالسعر

    ابوي انتبة وشك وجاء يخاصمني يفكرني مشترية شي غالي

    ووقفنا ع جنب ودققنا بالاسعار اكتشفنا ان في غرض ب 10 ريال حسبوة 100

    ورجع ابوي للكاشير وانحرج وجاء المسؤل ووريناه الفاتورة والاغراض وقال انتبهو مرة ثانية

    ورجع الباقي

    و انتي قبل ماتطلعين من المحل تشوفين الفاتورة زين

    والله كريم

  2. @rym_bnt_alfhd

    على فكره ..انا صارت معاي في المطاعم حقت
    المولات ..الماكدونالدز وهارديز .تخيلوا مره ببيتزا هت
    شريت بثلاثين وباقي لي 20 درهم .اونه الماكينه خربانه
    قلت لها مو مشكله بروح وبرد لج
    عقب جاء واحد يشتري وفتحت الماكينه
    ورحت لها ..اونه تقولي شو تبين مدام وتراويني
    المينو ..قلت لها ابي فلوسي ..والله طلعت العشرين
    من الدرج مو من الماكينه ..الحبيبه حاطتنها لها .وماد البووز

    الفلبينيات الله لا يسامحهم لا شافوا وحده منقبه
    قالوا أميه ما تعرف شي...
    والله اذكر وحده في محل راقي في مول
    شريت ملابس ويوم حاسبتها ...نقص بس
    ثلاث دراهم شافتني يوم اعدهم .عقب يوم
    قلت لها الباقي ...قالت اونها مدام بس ثلاث
    درهم ناقص ماعندي صرف...وابتسمت.
    تحسبني بستحي منها..قلت لها بصوت عالي
    شوفي اي حد ابي الثلاث دراهم ...
    عقب تمت تطالعني باحتقار وراحت لربيعتها
    وتاخروا .وانا انتظر...وهم يتهامسون علي
    تقول اشحت منها...
    ويوم خبرت ريلي ..قالي الفلبينيات على نصف
    درهم بطلعه من عيونج ...

  3. يابنت الحلال سوي مثلي اعرفي قيمه كل شي تاخذيه مثلا قيمه مشترواتكم ب100 حطي باللك لو زادت 110 اوو 120 لكن تزيد لك 50 او 100 ريال لازم تنتبهين الغلط منك الله يهديك مو منهم لو كل وحده دفعت المبلغ الي ينقال لها وماشيكت علي الفاتورة اكيييييييييييييييد بيبوقون

  4. @khatm_zfaf55

    مره حسبولي الشامبو 10 مرات  واغراض مكرره وبطاقه شحن زين ب50 وطلعت الفاتوره 800 وشي وأنا ملاحظه وشفته من اول بس صبرت لغايه ماخلص ورحت عالمدير باغراضي  وقلت ماابغى منك شي أبيك تجئ معاي وطلعت اغراضي من الأكياس  وخليته يكلم الأمن دخلوني بالعربيه ورحت لنفس الكاشير والمدير معاي بس قلتله لا تخليه يشوفك وفعلا رجع كرر أشياء ثانيه وزاد السعر 270 على القيمه وقلتله قبل الحساب أبغى الفاتوره وناديت المدير وقلت فلوسي ترجعلي وإلا والله لاشتكيكم ويوم رجعها رميت الفواتير والاغراض ومشيت ورحت شريتلي عصير ليمون بنعناع ب6ريال وروقت وطلبت فلافل من المطعم 
    💪💪💪💪

تابعي تجارب أخرى من هذا القسم.