السلام عليكم ورحمة الله وبركاتة
انا ياخواتي معاكم من سنتين تقريبا اتابعكم واتابع هذا المنتدى الحبيب
ولقد استفدت منكم الكثير 00 فجزاكم الله جميعا كل خير
لكن تو زبط معي الاشتراك وناوية اواصل معاكم باذن الله
تحياتي لكم جميعا كل وحدة باسمها في هذا المنتدى الغالي
اما اخواتي الاماراتيات فابيكم في فزعة واتمنى ماتردوني
انا انشاء الله رايحة لدبي00 ابي اعرف وش احسن الاماكن وشو الي بدبي
ممكن اشترية يكون نادر بالسعودية00 وش احسن الشقق الفندقيه والاوتيلات
والمطاعم00 الاسواق 0000000000الخ
وهل السكن في الشارقة افضل من دبي ؟؟ وش رايكم ابي مساعدتكم
اتمنى ماتبخلون علي لاني ابي استانس مررررررررة
على فكرة معاية 2 اولادي .....
انتظركم
تحياتي...
شاركي في النقاش
سجلي الدخول لإضافة تعليق.
التعليقات
4- السلام عليكم
مرحبا الغاليه ومرحبا فيج في منتدانا الغالي انا من بوظبي اتمنى بنات ادبي يفيدونج
بس المراكز بشكل عالم روعه بس انتي حددي الي تريدينه وبنعطيج بالاسم اما عن السكن
فانا افضل الشارجه لان فنادق ادبي مسموح فيها الخمر اعوذوا بالله اما الشارجه ممنوع منعا باتن
وكله عشر دقايق وتكونين في دبي اسكني في الشارجه بتحسين بالامان اكثر والسلام عليكم الغاليه - هلا أختي ام زايد
بصراحة دبي كل شي فيها حلو (نمدح نفسنا وايد ):22:
السكن في دبي احسن لمشاويركم لأنه الشارقه زحمه شوارعها
عندج في دبي البستان ريزيدنس وشقق الستي سنتر وفيه غيرهم وايد
كل المراكز حلوه
اذا يايه في الصيف يعني في المفاجآت وعيالج صغار وديهم مدينة الطفل (حديقة الخور) ومدينة مدهش (مبنى مطار دبي)
والله ماعرف شو اللي مب عندكم في السعوديه وعندنا احنا!!!
المطاعم : جازيبو (مقابل برجمان وجنبه كثير مطاعم)
شكسبير (شارع زايد)
حاتم (ايراني وأحلى واحد اللي في السيتي سنتر)
والله وايد أماكن بس مب ياي على بالي شي الحين - مرحبا بج اختى ام زايد
بصراحة احسن مكان تسكنون فية البستان
المكان روعة ومناسب للعائلات
:27: :27: :24: :26: - مرحبا الغاليات.. الجوري.. أسامي .. moza
اشكركن على الرد وعلى المعلومات الي استفدت منها كثيررررر الله يجزاكن الف خير
لكن ودي اعرف بعد مكان خبيرة تجميل ممتازة وابي اقص شعري عند وحدة تعرف وشو يناسبني..
وبعد يمدحون اقمشة العبايات مررة في دبي ودي افصل عباية مادري وش تنصحوني فية
وابي محلات للبدل والتايورات مميزة وكشخة لاني بصراحة مليت من مانغو وزارا وبرومود
وهالماركات الي صارت منتشرة في كل مكان00 وابي الله لايهينكم ملابس بنوتات فخمة ومميزة ..
طولت عليكم العذر منكم لكن مالي غيركم الله لايحرمني
تحياتي
مواضيع مشابهة
تابعي تجارب أخرى من هذا القسم.