ربط الاطفال الحركيين بعمر سنه و نصف تكفون الكل يدخل

على أساس أن عيالنا حيوانات عشان نربطهم ؟؟؟؟
حرام عليك الله رزقك طفل طبيعي وسليم تعاملينه معاملة الحيوانات ليه ؟
كل الأطفال بهالعمر حركيين واشقياء
هذا شيء طبيعي ومن حقهم
تقمعينه من هالوقت ليه ؟؟؟؟
من حقه عليك كأم تتحملينه وتلاحقين وراه لين يكبر ويعقل
أما أنك تربطينه زي البهايم أسمحي لي هذا نقص عقل فيك وفي اللي طرح عليك الفكرة
مدري شلون قلبك يطاوعك تسوينها ؟؟
انا ولدي بعمر ولدك وشيطاني الله يصلحه وحامل وعندي نزيف وماغير اراكض وراه من مكان لمكان
ومستحيل أفكر هالتفكير
لأن طفلي أمانة برقبتي
مو ذنبه أني عجازة ألاحق وراه وإلا أني تعبانة
اللي بي الأطفال يتحمل أمانتهم وإلا لا يجيبهم يهينهم ويعذبهم

انا اعرف كثير يربطون عيالهم
وصراحة مقدر افيدك هالطريقة صح او لا
انا المرة الوحيدة الي ربطت فيها بنتي لانها كانت حركية وما تخاف فكنت اربطها بيدي
اذا طلعت للسوق واخذت الربطة من مذركير
لكن بالبيت ما جربت لكن لو بتربطين ولدك اربطيه بيدك موب بكنبه..

واقري عليه انا اذا استلعب ولدي وصار يحوس كثير امسكه واقرى عليه.. احس القران يهدي الاعصاب

وبالبيت كان عندي المحبس( يجي زي السرير بس للعب مو النوم) احط فيه العاب واخليه يصيح شوي ويسكت

يابناات أحس حراام الأطفال ينربطون حتى لو أشقياء
أتوقع لها تأثير قوي على نفسية الطفل طبعا تأثير سلبي

حبيبي احسه شي طبيعي انه يكون شقي صدقيني ولدج راح يكون ذكي لانه قاعد يتعلم من شقاوته... طوووولي بالج عليه ولاتربطينه ولاشي شفايدتنا الامهات لازم نتابعهم،، تبين الصدق انا حتى زيارات خففتها بسبة شقاوتهم بسم الله عليهم اقول لاحقة المهم اني اربيهم وانتبه لهم بهالسن..
اقري عليه داااايما بسم الله عليه وربي يحفظه.