زوجة اخوي تسولف مع اخواني في الواتس!!/ استوفى الرد

أنا لو اعرف أنها تقرا الدردشة احذف أخوى من القروب لانها سواليف عائلته شئ خاص

انتي غلطانه طبعا دون ادنى شك مثل ماانتي قلتي ووضحتي خوفك بأنها تخرب بينكم وبين اخوكم المتزوج ،ايضا انتي راح تخربي بين اخوك وزوجته،عزيزتي انصحيها بإسلوب لين ولطيف وجها لوجه بدون الحركات الصبيانية اللي تقولي فيها لاخوانك انه هاذي سلفتكم
ثاني شئ ماوضحتي ايش نوعية الكلام اللي يدور بينكم وهي لما تتكلم معكم هل إسلوبها فيه شئ من الغلط ،انا لا اؤيد او اصحح غلطها نعم هي غلطت لما اخذت الحساب وتلصصت وتقلدت شخصية زوجها ،لكن مافيها شئ اذا اضفتوها معكم هل هناك تحريم بمحادثتها بإحترام معك وأخوانك،الله يحب العفو والستر وينهى عن الفتن اللي تخرب البيوت وتملئ القلوب بالحقد صححي موقفك عزيزتي ولاتتحملي الأوزار وتصرفي بحكمة واعتبريها اختك ..

الحمد لله الذي عافانا مماابتلاهم به وفضلنا على من خلق تفضيلا الله يصلح حالها حطت نفسها بموقف سخيف

ماغلطتي وردة فعلك طبيعيه لان هالشيء فعلا يقهر اقعد اسولف مع اخوي وفجاءه تطلع زوجته

لكن الغريب تقولين لسه مستمره ! يعني هل اخوك عجزان يحط باس وورد على جواله ؟

لو بدون مايكلمها ولايقولها شيء بس يقفل جواله ومستحيل تقدر تعرف الرقم خلال 24 ساعه وترجع تسولف

والسوالف اللي تسولف فيها ايش هي بالضبط ؟ لانك حكمتي انها تبغى تفرق بينكم مو مجرد فضول

صراحه خيوط الموضوع متشابكه ومو مفهومه

واذا اخوك ماشاف حل وقفل جواله عنها فماراح يكون فيه حل الا انكم تغيرون القروب لكن خوفك تطلعون ظالمين اخوك تحسبونه زوجته وصدق يزعل عليكم

لانك ماوضحتي ايش الكلام اللي وضح انها زوجته ولا تقولين اسلوب ومااسلوب

انا احيانا زوجي يكتب لي بالواتس اشك انه هو من اسلوبه على حسب مزاجه كل مره اسلوب

والعضوات اللي قذفوا الحرمه واتهمومها باخلاقها وعرضها عيب عليكم العضوه ماذكرت شيء يمس هالموضوع عشان تفتون من راسكم

الي يقولون وش نوع الكلام اول شي حنا نسولف سوالف عاديه ضحك على بعض وتنكيت..مافيها اسرار ولا شي..واحيانا لما يرسل لنا صوره وكذا نمدح فيه ونقول ماشاء الله كأنك عريس..لما قلنا كأنك عريس واحنا عارفين انها هيه ماسكه الجوال.. قامت تسبنا وتقول كلو تبن ومدري ايه فلانه(زوجته) تكفيني مابي غيرها!!
وماخلاني اكلمه واتأكد الا كلمتها هذي..وفعلا طلعت هيه الي تكتب واخويه مو.داري..بالله ماتقهر فوق ماهي حاشره نفسها بين الاخوان وتسب وتقل ادب كمان..