السلام عليكم خواتي
أنا حامل الحمدلله وان شاء الله اذا ولدت على خير وسلامة يكون فرق بين عيالي سنتين وشهر تقريباً
طبعاً ماعندي إلا طفل واحد واللي بالطريق الثاني اللاله يجيبه بالسلامة
أبي أسأل المجربات كيف كانت التجربة ؟
متى خفت صعوبتها بأي عمر للطفل الثاني ؟
ندمتي عليها ؟ ولو أنعاد الوقت ترجعين تكررينها ؟
أيش نصائحك ؟
ومتى عودتي الطفل الأول على الحمام وفطمتيه من الرضاعة بعد ما جاء أخوه ؟
وأيش تنصحين بأشياء تخص الطفل الأول ؟
ونصائحكم بشكل عام لأني متخوفة حيل من التجربة خاصة أني بغربة وبعيد عن أهلي وأهل زوجي :angry:
ودعواتكم لي بالطفل السليم المتعافي وكل من تبي
اللهم أمين
شاركي في النقاش
سجلي الدخول لإضافة تعليق.
التعليقات
10- رفع
- بصراحة انا ما جربت الفرق سنتين
لان الفرق بين بنتي وولدي ٥ سنوات
الي اقدر افيدك فيه انه اهم شي لا تحسسين طفلك الاول انك لهيتي عنه
لان حتى لو ما عبر عن غيرته بنفسه بيكون متحسس وممكن يزيد بكاه ويسير عسر شوي
لكن انتي تعاملي معه بهداوه وزيدي جرعة الحنان له
حتى لو ظهرت غيرته بتصرف تجاه اخوه لا تضربينه او تصرخين عليه لانه بيزيد
بس لهيه بشي وخليه ينسى السالفة بسرعة
الباقي ممكن يفيدونك الامهات الي جربوا وجود طفلين بينهم سنة - امممم نفسي انا الفرق سنتين وثلاث شهور
صراحه تعب بَـßÊـسّ حلوو يكونو اثنين مع بعض عشان مايمل
وساعات اندم اني استعجلت الحمدالله اول جبت ولد وبعدين بنوته وباذن الله اجلس خمس سنين واجيب اثنين ورا بعض نفس ولدي وبنتي خخخخخ قلت قصه حياتي
بقولك
ولدي اتعلم الحمام وعمره سنتين و٨شهور بَـßÊـسّ الحمدالله يارررب ابدا ماتعبت معاه ولا فكره اعلمه وعمره سنتين على حسب بَـßÊـسّ انا ولدي مو مره سرع البديهه
وفطمته من الرضاعه وعمره ثلاث سنين وبالقوه كان متعلق فيها
لما اشوف ولدي وبنتي احس في بينهم فرق الحين ولدي عمره ثلاث سنين و٤شهور وبنتي عمرها سنه وشهرين
في فرق خخخخخخ
مدري وََشـٍ� اقول كلام كثيره
اي شي تبغيه انا بالخدمه - تعب جسدي بس لانهم صغار بتتعبين شوي زي اي ام
لكن بتترتاحين بعد مايصيرون 3 سنوات وفوق ويصيرون مع بعض
عوديهم عالحمام عالسنتين بس لا تعودينهم بفصل الشتا انتظري الصيف
الرضاعه بالتدريج عوديه عالكوب والاكل من 6 شهور عشان يريحك كل ماكبر يصير يشبعه الاكل والحليب يصير ثانوي بس
ولاتخافين ابد مافي شي يخوف بالعكس اريح تجيبين اطفالك اعمار متقاربه
التعب لما يكون بينهم فرق وكل واحد بمرحله زمنيه مختلفه و يبي الي يناسب سنه ماراح تلحقين
لكن الاعمار المتقاربه مررريحه وكل ماكبروا بتعرفين ان قرارك صح - انا عندي بنتيين الله يحفظهم الفرق بينهم سنه ونص
الكبيره عمرها سنتين و ٩ شهور و الصغيره سنه و شهرين
أبي أسأل المجربات كيف كانت التجربة ؟
في البدايه كانت صعبه شوي لاني لمن ولدت كان عمر بنتي سنه و نص فاطبعا كل شي معتمده علي ولسه بالحفاظ لكن كنت فاطمتها كانت ترضع طبيعي لحد ما حملت باختها يعني رضعت لحد عمر ١١ شهر
متى خفت صعوبتها بأي عمر للطفل الثاني ؟
خفت الصعوبه الحين الحمدلله لانهم صاروا يلعبوا مع بعض وكمان الكبيره صارت تعتمد على نفسها شوي في الاكل و تروح الحمام بنفسها بس لازم اغسل لها طبعا ماشاءالله
ندمتي عليها ؟ ولو أنعاد الوقت ترجعين تكررينها ؟
اكيد ماندمت الحمدلله و اعتقد نعم كنت بعيدها
أيش نصائحك ؟
ومتى عودتي الطفل الأول على الحمام وفطمتيه من الرضاعة بعد ما جاء أخوه ؟
بالنسبه للحمام بديت مع الكبيره بعمر سنه و ثمانيه اشهر ماشاءالله ، الحين تروح الحمام الحمدلله بس تلبس الحفاظ وقت النوم ابغا ابدا اشيله عنها ان شاءالله قريب.
واعتقد اني بديت بدري شوي صح ماشاءالله استجابت معي بس كان الموضوع متعب جدا لان الصغيره كانت لسه يدوب شهرين و الكبيره كانت كل شوي تطلب الحمام و احيانا اكون ارضع فاصعبه خصوصا انا ماعندي احد يساعدني فا *****الله بنتي الثانيه ببدء معها في عمر السنتيين . علشان يكون جسمها مستعد و تقدر تمسك البول لوقت اطول.
وأيش تنصحين بأشياء تخص الطفل الأول ؟
اعتني بالطفل الاول كلميه من الحين انا في بيبي صغير جاي علشان يلعب معك و حاولي علي قد ماتقدري انك تشركينه معك في الاشياء البسيطه جيب البطانيه او اللعبه لاخوك علشان يحس انه كبير و مسئول وكمان يشارك في الاعتناء بالبيبي علشان ما يغار من اخوه او اخته ان شاءالله
الله يخليكي الي عندك و يقومك بالسلامه امين
مواضيع مشابهة
تابعي تجارب أخرى من هذا القسم.
-
بخصوص الحليب فوق عمر السنه "الله يسعد اللي تفيدني"🤎🤎🤎
5 تعليق -
اسنان بنتى اللى فوق طاح اللبنى ورجع طلع ولعبت فيه والحين بيطيح
3 تعليق -
اللي طفلها يعاني من فرط الحركه وتشتت الانتباه تدخل تكفوووون
13 تعليق -
اللي تعرف شيء عن الفتق اﻻربي تساعدني الله يوفقها
8 تعليق -
حابه اعرف عداتكم الغذائيه مع اطفالكم اللي فوق سن ثلاث سنوات//معدل
10 تعليق