ايش شربتي اعشاب في الشهر اللي حملتي فيه ؟؟؟؟؟ أخيتي إحتسبي الجواب صدقة لوجه الكريم

متابعة النقاش، صفحة 102

شاركي في النقاش

سجلي الدخول لإضافة تعليق.

التعليقات

609
  1. حبوب تنزيل هرمون الحليب
    وتحاميل تنضيف المهبل
    لان كان عندي التهابات فظييييعه
    والأمر كله بيد الله
    وهذي اسباب فقط
  2. @ssssr_hoaaa

    قبل حملي شربت بردقوش انا وزوجي كنا ناخذ كأس الصبح وكأس المساء 
    والحمدلله اراد الله لي الحمل بنفس الشهر ..
    ولكن اجهضت لاسباب اخرى ادعولي بالحمل السليم التام 
  3. @my_my_16

    انا بعدطفلي الاول  تركت الموانع على امل نجيب التاني  ماصار الحمل سريع زي ماكنت اتوقع. بعد ثلاثه شهور رحت للدكتوره وكلهم كانو يقولو كل شي سليم اللهم اشياء بسيطه حتى ما تاثر ع الحمل ذاك الشي ومن مستشفى لمستشفى لحتى مرت 9شهور اخر شي قالت الدكتوره التبويض عنك ضعييف البويضات مررره صغيره سالتها كم حجمها قالت مافي حجم اصلا مره صغار وغير صالحه للإخصاب وتحطمت جدا وقالتلي تعالي من الشهر الجاي عشان تاخدي منشطات بعدين افتكرت انها راح تاخذ اجاازه شهر يعني استنى شهر كمان وانا خلال ذيك الفتره قرفت من المستشفيات والتكشف كل شويه قلت خلاص خليني استخدم اشياء طبيعيه مع اللجوء للرزاق الكريم خلال ذاك الشهر سبحان الله ربي كتبلي الحمل.اللهم لك الحمد.الله يثبته ويتمم حملي على خير 
    الاشياء الي عملتها ..اولا :قراءة سورة البقره كل يوم مع الرقيه وكنت انفث فماء زمزم اشرب منها ثلاث رشفات وامسح بشويه منها على بطني والباقي احطه فموية الشرب الي يشرب البيت منها واشرب زوجي منها من غير مايعلم انها مويه مقريه. مع الاستغفار والدعاااااء
    هذي اهم نقطه وهيه اللجوء الى الله لانو سبحانه وتعالى هوا من بيده الرزق ليس بيد احد من عباده ولا بيد شي نستخدمه او نشربه هذي مجرد اسباب. 
    نجي للأعشاب والاشياء التانيه:(الاخذ بالسباب)
    1-ميرميه نصف الملعقه الصغيره تنحط فبيالة الشاي وينحط عليها مويه فايره ونغطيها ربع ساعه بعدين نشربها مره بالليل ومره بالصبح لمده 20يوم من بداية الدوره
    2-اكل نصف اناناسه ايام الدوره والخيار لكم يا اكل يا عصير مو شرط تاكلوها دفعه وحده يعني نقنقوعليها بين وفتره وفتره عشان ما تملو منها 
    3-غذاء ملكات النحل حبه باليوم  حبه لي وحبه لزوجي 
    4-ملعقة عسل مع سبع حبات حبة البركه ع الريق 
    5-من بداية ايام التبويض وانا استخدم حمض الفوليك وممكن تاخذوه من قبل 
    6-استخدامت اسبرين الاطفال من بداية ايام التبويض تقريبا من 9يوم الدوره حبه وحده باليوم ما طولت عليها اخذتها تقريبا 10 ايام او اقل. لاني قرات عن بعض الدراسات تقول ان بعض الحريم مايصير الحمل معهم مع ان كل شي بيكون سليم والسبب ان الدم والغذا ما بيوصل للبويضه بعد خروجها بشكل جيد فتموت وتتلاشىوحبوب الاسبرين بتعمل سيوله للدم عشان يوصل الغذا والدم لها بشكل افضل حتى اذا وصلت الحيوانات المنويه تكون البويضه جيده وصالحه للتلقيح .' انا ما اخذتها باستشاره انتو اذا حابين تستشيرو الطبيب بيكون افضل مع اني ما احس انها راح تاثر الا الي دورتها غزيره انا ما احبذ انها تاخذها لانو لو جاتها وهيا تستخدمها يمكن تزيد عليها والله اعلم 
    7-كنت اشرب كاس قشر قهوه مع زنجبيل ايام التبويض  لان الزنجبيل كويس للتبويض غير انو بيعمل عمل الابرة التفجيريه. 

    هذي الاشياء ما استخدمتها الا شهر واحد الي هوا الشهر الي حصل فيه الحمل  وسبحان الله  كل شي بارادة ربنا .وربنا يكتب لكل مشتهيه بالحمل السليم التام. اللهم اميين 

    طولت لكن حبيت تستفيدو لعل الله ينفع بما كتبت الكل او وحده فيكم وتحمل
    لاني خلال التسعه شهور البسيطه ذي حسيت فيكم هذا وانا عندي طفل
    الله لايحرم وحده فيكم من كلمه ماما يااارب .
    الي تستفيد تدعيلي ربي يتمم حملي على خير ويسلمني ويسلم جنيني من كل شر ويسهل ولادتي يارب .  

تابعي تجارب أخرى من هذا القسم.