₪ ₪ التجمع السادس لعسولات الاردن المقبلات على اطفال الانابيب ₪ ₪// استوفى الردود

الله يخليك حبيبتي , ان شاء الله بتيجي الدورة وما تتاخر عليك اكتر من هيك , الله ييسرلك امرك ان شاء الله ,,



صباح الفل حبيبتي
مشكورة والله يتمملك حملك على خير وسلامة ويقومك بالسلامة انت والبيبي يارب..

ورد الصبار الله يسر لك امور العملية والدورة على طول هيك بتعمل بس بدنا ياها تنزيل بتتأخر وقت بدنا اياها تتأخر بتجي على بكير بظن حالة نفسية انتي طنشيها وهي لحالها بتشرف وان شاء الله بنفرح فيكي عن قريب

بحرينية الله يتمم لك الحمل بخير وسلامة وان شاء الله عن قريب بتشوفي اكياس الحمل وبتسمعي نبض البيبيات

يا بنات البارحة نزلت على السوق وشفت اغراض البيبيات وتياب الاطفال وكتييييييييير يا بنات كنت حابة اشتري شي منهم ولو حتى جراب للبيبي عشان أتفاءل بالعملية اللي جاية بس مابعرف ما قدرت وحسيت بغصة بحلقي وخفت من هلاء من العملية الجاية والله يا بنات العملية الها رهبة ربي يجبرنا ويفرح قلوبنا وقلوب ازواجنا واهلينا بحملنا القريب

ان شاء الله رب العالمين برزقك التوءم الصالح المعافى عاجلا ليس آجلا , ما تهكلي هم العملية انا ما بسال خلاص بعيش كل يوم بيومه لانه ما راح يصير الا اللي ربك كاتبه فليش نعذب حالنا ونفكر كتييير , والحمد لله على كل شي ,,, الله يفرح قلبك عن قريب يارب ,,