والله ياقلبي كنت بدخل ملفك الشخصي عشان اطلع 1000رد و50 موضوع بس خفت تقولي اني اراقبك
اذا فعلا مو منتبهه لنفسك نصيحه سويلك كوب شاي وادخلي ملفك الشخصي واقري مواضيعك وردودك واستمتعي......انا من زماااااااااااااااااااان متابعه لك بصمت :) مو لاني معجبه ....لاني مستغربه :huh: وصرت بمجرد اشوف اسمك على موضوع او رد خلاص اعرف ايش فيه
بس ياقلبي ترانا محاسبين على كل كلمه نقولها ..انتبهي لكلامك واختاري مواضيعك
وعلى فكره انامااعرفك عشان اتحامل عليكي ...وللمعلوميه انا مو مع الاخوان ولا مع السيسي ...انا فقط ادعي ربي ان يظهر الحق ويبيد الظالم ايا كان وفي اي مكان :)
انا كل الي اقوله انه ماله داعي نتدخل في شئون الغير خصوصا انه اصلا كلامنا مابيفيد في شي ..وفي نفس الوقت بنزعل وخصوصا انتي لو هم تدخلو
مثلا لو وحده من الاخوات المصريات الان نزلت موضوع هنا عن قيادة المرأه او عن اي موضوع مو عاجبها عندنا في السعوديه وقالت انه غلط وظلم او تكلمت عن ملكنا او حافز او اي شي ...بتسكتين؟؟!!
اول رد بتقوليه لها بعد السب انه تخليها في حالها وماتتلقف ولا تتدخل في شي مايخصها صح؟؟ الكلام هذا ينطبق على الجميع حتى انتي ترى .....لاتتدخلي في حياتهم ولا تنزلي مواضيع تثير الفتن ...واذا مره مقهوره ادعيلهم وبس
ومو كل وحده ترد في موضوع لك وتروح ومعاد ترجع معناتها هربت او خافت منك او غلبتيها بالكلام ....لا ياقلبي غلطانه
بس فيه مواضيع مامنها فايده ...مثل هذا الموضوع ...فالرجوع لها يعتبر تضييع وقت ...فمن الان اقول بتردي او مابتردي بكيفك ومع نفسك لاني مابرد :)
عودة اليهود الي مصر ..
متابعة النقاش، صفحة 8