إلى متى أحنا كذا+خطتي لمدة سبعة شهور^_^

انا مثلك راسمه لي اهداف وإن شاء الله احققها

ماشاءالله عليك

الله يرزقك بالزوج الصالح الي يسعدك عاجلا غير اجلا

شوفي حبيبتي انا اشوفك انك مش مره كبيره عجل شنقول حنا الي انتصفنا الثلاثين وربي لسه ماكتب
اكذب عليك اذا ماقتلك اني مافكر افكر كثثير بس مؤمنه انه ربي بيجب لي خير عظيييم منه سبحانه وبيعطيني رجال من عباده الصالحين

بس انا ماسوي مثلك مهما تعب تفكيري
باعكس انام بدري واتروش واغسل وجهي بماء ورد ممتاز حق البشره واقوم من الصبح اصلي الفجر واذكر الله الفجر جنااااااااااان جو خيييييالي خصوصا بعد الصلاه واشرب عصير ليمون طااااااااااازج وافتح جوالي واقراء البرودكاستات واشوف من عملي لايك في الانستقرام

بعدين البس واروح العمل وخلي الدسواق في السياره يشغل القران واستمتع بايات ربي واحس بسكينه
وامر اشتريلي فطور لي ولزميلتي واحتس اجر اني افطرها وقبل لاطلع من البيت اخذ بقايا الرز معي
ولما اوصل المكتب عندنا مكان وراء المكتب فاضي وفيه تراب ويجونه حمام وعصافير
واكبه لهم وبعدين ادخل المكتب واطل من الدريشه واشوفهم ياكلون اه احساس رررررررررررررروعه
لما تشوفينهم ياكلون ياكلون والله احلى لحظات اعيشها
وادعي ربي اقول يارب كما رزقت هذه الطائر وجعلته يخرج من بيته بطان ويرجمع خماص يارب ارزقني بزوج الصالح
وافتح الكومبيوتر وافتح على الجرايد اقراء العناوين الرئيسه اشوف اهم الاخبار
واسويلي حليب واكل فطوري عشاني اروح بدري العمل

بعدين ابتدي شغل الين تجي الساعه 10 اصلي الضحى وادعي ادعي ادعي
واجلس مع زميلتي وينتهي يومي

وارجع البيت ..حاليا قاعده اخفف وزني اكل خضروات وسلطات وفواكهه لازم كل يوم *** من الفواكهه
وامشي امشي كم يوم في الاسبوع

قبل امس رحت مع امي الكورنيش نمشي وكنت حابه استمتع بالجو قبل لايجي البرد
والجو يهبل خياااااااااااااااااااااااااااااااااااااااااااااااااااالي ماشاء الله الله لايحرمنا منه

اذا احد عزمني لبست وكشخت ورحت كل عيد لازم اسوي حركه العيد الي طاف حطيت على يدي تاتو طلع ررروعه واهتم بطاولة العيد وحطيت نافورة الشوكولاته ومارشيملو اهلي انبسطو حييييل احب ابسط نفسي وابسط الي حولي
دايم في المكت اشب فحم واحط عود ينبسطووووووووووون كثثير وعندي فازة في المكتب اشتري ورد طبيعي نصقه مفتوح ونصه مقفل واحطه في الفازه كل من يدخل مكتبي ينبسط حيييييييل ويتغزل بالورد

اموووت على القراء واذا صارت محاضره عن الاستمتاع بالمال او تطوير الذات رحت وحضرت

عندنا مجلس تبع الندوه العالميه للشباب الاسلامي
دايم يعملون محاضرات عن سيرة الرسول عليه الصلاة والسلام او عن اي موضوع اروح احضر
وانبسط كثثثير ناس نظاف ومجتمع راقي
مع انه الندوه بسيطه جدا جدا اول ماتدخلين يحطون لك قهوه عربيه انبسط كثثثير

عندي كتب انجليزي اقرءا كثثثير فيها ودايم اروح مكتبه العبيكان فيه كراسي للقراء اخذ لي كتاب واقراء فيه جو حلو

احب اقراء الاخبار عشان اذا جلست مع ابوي اسولف له واتعمد افتح مواضيع وينبسط ابوي كثثثير ويشاركني

واقول الاذكار والاستغفار وحاول احفظ سورة البقره

شوفي كيف عايشه حياتي الف حمد وشكر لرب العالمين صحيح داخلي حزن وانسكار ونفسي يصير عندي مملكه واطفال بس عايشه حياتي ولااحد يحس اني شايله هم ماحب احد يناظرني بشفقه
عشان عارفه انه ربي بيرزقني من واسع فضله

وربي يرزقك ان شاء الله حياتي عيشي حياتك وصدقيني بجيك رزقك وتذكري الحين المتزوجات هايشين في مسؤليه وتعبانين حتى لو ازواجهم كويسين وانتي عندك فراغ بجيك يوم وبتصيرين زيهم
بس انتي اشتغلي الفراغ عشان تنبسطين

وتذكري نعمتان مغبون عليها الانسان الصحه والفراغ

تزودي باعمال صالحه هادفه وربي بيوفقك

لا تحطين أهداف صعبة مستحيل تتحقق في 7 شهور عشان بعدين لو ما قدرتي تحققينها تنحبطين وأنا أهنئ اقصد حفظ القران كامل صعبة في 7 شهور خليج منطقية ، وقولي البدأ في حفظ القران

والله يوفقج ياااارب وتجين وتكتبين موضوع انج حفظتي القران وتخرجتي وصرتي أحسن وأحسن

حبيبتي انتي توك بعز شبابك و العمر إن شاء الله قدامك .. اللي عجبني فيك أنك تبغي تغير نفسك للأحسن و أهدافك ماشاء الله حلوة و الوصول لها إن شاء الله سهل.. ربنا يوفقك و ييسرلك مرادك.