تبغين نصيحتي انسي الموضوع تماما ولاتراقبين نفسك ابدا ومتى ماتأخر الموعد اكثر من كذا يعني وصلت لعشرة ايام اشتري جهاز تحليل وشوفي انا سنين وانا اتابع نفسي واتحسس للاعراض وكل شي احس فيه اقول يمكن حمل وآخرتها تنزل الدوره ويضيق صدري واتعب نفسيا وهذي اكبر غلطه كنت اسويها
المفروض اني اتوكل على الله واترك كل شي بيد الله ولا اراقب نفسي ولا اسأل احد عن شي ومتى ماحسيت بشك اني حامل او تأخرت الدوره قطعت الشك باليقين وجبت جهاز وحللت ...
ورضيت بالقضاء والقدر مهما كانت نتيجة التحليل لانه بالنهاية الحزن ماراح يغير شيء من الواقع والمكتوب متى ماحان وقته وقع وبإذن الله مع الدعاء والاستغفار يعجل الله بالفرج القريب ...
شيء مهم اتمنى ماتكوني نسيتيه الا هو الرقية الشرعية ... المفروض تكون اول العلاج مع الدعاء وبعدها نعمل باالاسباب الاخرى من علاج وغيره .... واسأل الله الكريم رب العرش العظيم ان يرزقك بالذرية الصالحة ويعطيك ماتتمنين يارب .... ولكن نصيحتي لك اتركي المراقبه الزايده ولاتسألي البنات هنا لانهم ماراح يعرفون تشخيص لحالتك بالضبط وكل اللي راح يقولونه لك مجرد تخمينات من عندهم لان تأخر الدوره ممكن يكون بسبب حمل او بسبب لخبطة هرمونات واحيانا بسبب النفسية وكثرة التفكير في الموضوع والقلق الزايد ...