جزاها الله خير من بتساعدني .."صديقتي و بيتها و أخوها"

السلام عليكم و رحمة الله و بركاته

امس و انا اكلم صديقتي حسيتها متضايقة و كل شوي تخليني على الخط و ترجع لي

حسيتها متضايقة و منقرفة

المهم ما صدقت اني سألتها

طلع السبب الي مضايقها " أخوها "

و بالاخر قالت لي شوفي لي حل .. شوفوا قصتها و شاركوني جزاكم ربي الجنة

صديقتي هذي عندها ولدين و بنتين و من النوع الي تحب تلبس و تكشخ في بيتها يعني تلبس قصير و كت و بجايم و كذا يعني بس كانوا جدا محافظين يعني مستحيل تلبس كذا قدام اخوانها يعني حتى ما تلبس كم قصير قدام اخوانها

معودة اولادها على نظام محدد النوم بوقت و الطلعة بوقت و كذا يعني

الي قلب حياتهم اخوها و هو اكبر منها يعني تقريبا في الثلاثينات و مو متزوج

تقول يدخل عليهم أي وقت تقول اتفاجأ الا هو في وجهي و انا اكون لابسه قصير مثلا او بجامه

مره دخل عليهم و اولادها مو بالبيت و ماخذه راحتها مع زوجها بالصالة الا هو بوجهها تقول مت مت من الاحراج

بتقولون شلون يدخل ..اقول لكم ..هي بيتها دورين و اغلب الوقت يكونون فوق و باب البيت من برا على طول مفتوح الا بالليل يتسكر

المشكلة مو بس هنا

تقول ياخذ ولدها ( عمره 13 سنة ) يطلع معه يتمشى لو زهقان و يضل برا البيت لوقت متأخر و الولد عليه مدرسه و لو ما طلع معه يقعد معه يلعب العاب الكترونيه لحد الليل

غير كذا الولد ما عنده وقت حتى يذاكر

لمحت له مية مرة ما في فايده يعني مو مهتم .. اهم شي وناسته هو

تحلف تقول اقول له بصريح العبارة الولد اهمل دراسته طلعه لحد اخر الليل و الصبح اما يغيب ما يداوم او ينام في الفصل.. تقول يسمع و يأيد كلامها زي الي يسكتها و بعدها تدور الولد الا ماخذه من الشارع و طاير فيه أي مكان


بالله عليكم ايش تعمل ؟؟؟

الله يفرج همها و همومنا اللهم امين و يجزي كل من بتشارك كل خير دنيا و اخرة .

35 تعليق 7,812 مشاهدة

شاركي في النقاش

سجلي الدخول لإضافة تعليق.

التعليقات

35
  1. @asmaa_011

    الله يعينها مالها الاتتكلم مع ولدها وباين اسلوبها مع اخوها هين ولين لازم تقسي شوي
    وبعدين الحل الاكيد انها تزوجة وتخلص منه
    وترى ولدها لوتعود انة داخل طالع ويهمل دروسة خلاص تغسل يدها منة
    بيتعود على الاهمال ويعشق الدشرة والمشاوير

    لازم من اليوم تغير اسلوبها لايضيع ولدها

    لاحظي اني مااهتميت بكلامها عن راحتها ببيتها
    لان المسأله الاهم مستقبل ولدها الدراسي اللي على المحك


    وسلمتي يااختي
  2. @anfas_alghrob_2

    الحل مافيه اسهل منه,,,وبيدها هي
    باب البيت ينسكر,,,,ليه يبقى مفتوح,,,واخوها قليل أدب بهالعمر يدخل على الناس من دون احم ولا دستور
    لكن تقفل بابها
    اللي يدخل,,واللي يطلع يقفل وراه
    وولدها تعلمه هو يرفض يروح,,,,,
    كمان هي تقول انو ياخذ الولد من الشارع,,,ابي اعرف ايش يودي ولدها للشارع
    عمر الشارع ماكان مكان للعب
    وقتها اذا بغى يجيها يضطر يدق الباب,,وقتها هي حره ترد ,,او اطنش,,,واذا كلمها ممكن تقول انا برا البيت
    او ادخله,,وتقول العيال فوق يذاكرون,,وماتعوده يطلع فوق
  3. @mngo

    طيب طالما وضعها كذااااا ليشششش ماتتصرف زي الناس
    باب بيتها تسكره وتقفله بعد بمفتاااااح وتخلي نسخه معها ونسخه مع زوجها
    وتنتهي من هالنقطه وتريح عمرها بما إنه أخوها يمون بزياااااااده ويدخل عليهم
    متى مابغى !!!!!!!!!!

    وبخصوص ولدها تخلي زوجها يتفاااااهم معه يكلم الولد ويعلمه عن قوانين البيت
    وإنه ملزوم يطبقها والطلعات واللعب يخليها أخر الأسبوع مع إنه مو مصلحته يطلع
    مع أخوك ومايرجع إلا أخر الليول لاتنسين فاااااارق العمر بين الإثنين
    هالنقطه لا تتهاونين فيها ولا تجاملين بكرا لو تعرض ولدك لأذى ماراح ينفعك أخوك
    هالموضوع بالذات لازم يكون فيه حززززم منك ومن زوجك ولازم يستوعب أخوك إنكم
    ماتبونه يطلع ويتأخر ويجالس إلي أكبر منه
    هالموضوع ذا ماتقدر عليه لحالها لازززم زوجها يكون له دووووور ويتوعد الولد
    لو طلع أو راح مشوار بدون ما ياخذ الإذن من الأم أو الأب بيتعاااااقب