السلام عليكم ورحمة الله
حبيباتي ممكن تساعدوني واكون لكم شاكرة
عندي اسئلة ياليت من عنده معلومة يفيدني وتراني من اهل الرياض
1) وش ارخص سوبر ماركت وتسوي عروض وهل فيه وحدة جربت المحلاتالي بحجاب وش راكم فيها زينه ؟
29 ارخص ورق عنب علبة طبعا بس مايكون فية ريحة ؟
3) بعد الزيت زيتون عطوني ماركة رخيصة وجودة ؟
4) صدور دجاج برضو وش الرخيصة ؟
5)قشطة وحليب جاف ومحلى ومكرونه وكل هالاشياء وش رايكم بالرخيص الزين
وشكرا
شاركي في النقاش
سجلي الدخول لإضافة تعليق.
التعليقات
17- اهلين اختي واقعيه جدا حبيت اساعدك باللي اعرفه رخيص وزين مكرونة تريفا لون الكيسه بنفسجي بصراحه نفس جودة المكرونات الارفع سعر وبس هذا الي اعرف الباقي مابيقصروا الاخوات وياليت تدعي لي بتسهيل وولادتي
- و الله حبيبتي ما عندي علم بس بعد ما تشتري المواد الغذائية لازم تفكري في بدايل للمواد الغاليه و بعد تفكرين في طرق طبخ جديدة و تكون اقتصادية اكثر
ربي يوفقك اللهم امين - روحي لـ الثلاجه العالميه اللي بحي السلام
قدام السدحان حق السلام .. أمشي شوي تلقينه
سوبر ماركت كبير الثلاجه العالميه عندهم منتجات النخبه وسلومي والعالميه
كلها رخيصه وجودتها جيده
صلصه، زيت زيتون/ معلبات، أجبان، دجاج، رز
مكرونات وزيوت وذره وحمص وفول وكلللل شي يخطر لك عندهم وبأسعار ممتازه
يمديك تمونين بيتك من.. إلى,, ب 200 أو300
أنا ذاك اليوم جبت اغراض حلا قشطه وحليب محلى وحليب جاف ومرتديلا وبسكويتات وبهارات ومعلبات مختلفه وحتى مناديل ومعجون اسنان وأغراض كثيره صار حسابي 280 فقط
الزبده.. أرخص مكان تتسوقين منه وجودته مناسبه هو الثلاجه العالميه فرع السلام.. لاتروحين لأي فرع ثاني - انا اعرف قشطه المراعي ارخص من التاج
- حبيبتي روحي للدانوب كل اسبوع يسوي تخفيضات على منتجات
شوفي الكتالوج حق العروض حقه وخذي الي تحتاجيه منه
اما بعض الاماكن الي تبيعها برخيص اغلبها يكون عندهم سوء تخزين او تزوير لتواريخ الانتهاء ووووالخ
عاد كل شي الا الاكل الواحد مايرضى ياخذ الرخيص لانه مخيس
صحيح بعض المنتجات رفعو اسعارهم بشكل كبير هذول يستاهلو المقاطعه مثل قشطة التاج كانت زمااااااااان ب 3 ريال الحين ب 6 وشوي سلامااااااااات
وغيرها كثير
انا اخذ الجبنه الكاسات مراعي لذيذه وخفيفه
القشطه والحليب المركز المحلى لونا
المكرونات هناء افضل شي عجبتني
زيت زيتون الوزير افضل زيت بالنسبه لي
جبنه كيري خذي بدالها المراعي
التونه افضل والذ شي بوتان
صلصه السعوديه افضل شي لان جربت انواع كثيره تخلي الاكل غاااااامق ومسود وفيه مراره
هذا الي اتذكره الان
مواضيع مشابهة
تابعي تجارب أخرى من هذا القسم.