السلام عليكم كيفكم
قبل كم شهر نزلت موضوع عن زوجي وتغييره علي بدخل بالموضوع افضل زوجي في شهر 8 اعترف انه على علاقه مع بنات وقدامي وتخانقت معه وبدا يسفل فيني ويهيني ويقول انتي بس للكرف وتربيةة العيال لايمشيني ولايسفرني بس فالح في اهاناتي وذلي لايقعد معي وكارهني ودايم فالمجلس مقفل عليه ويكلم ويطلع ولايجي الا الفجر وسكتت لين رحت لاهلي برمضان ثم قلت له طلقني انا مابيك يالغدار فالبدايه اخذ عيالي 3 ايام ثم يوم جى العيد رجعهم وعيدوا عندي وهو العيد جاني وجلس يتبكبك عندي سامحيني انا ظلمتك واهنتك شفته ضعف قلت خلاص مسامحتك بس بشروط قال ابشري الي تبينه يصير قلت شروطي له ووافق مشى من عندي وهو مبسوط وسافر للرياض اهلي مو بالرياض بعد اسبوع دق علي مارديت لاني كنت مشغوله واصلا نسيت اكلمه بعدها بكم يوم دق علي يقول انتي ماتردين عللي وتبيني امشي على شروطك اي هين قلت انا كنت مشغوله قال مو شغلي تردين علي حتى لو كنتي في دورة لمياه اخذي الجوال معك قلت طيب بعدها باسبوعين جت المرابطه دق علي قال انا مرابط مراح اجي الاسبوع ذا علشان اخذكم واسمعي بترجعين بدون شروط اهلا وسهلا بشروط معصي ثم معصي غير الكلام السم الي سمعنيه ثم سكر في وجههي قلت والله مارجع وعلمت ابوي قال خلاص ياخذ عياله ويروح اتصل على جوال ولدي قال قول لامك تجهز اغراضك انت واخوك بكره الساعه 9 الصباح علمني ولدي جهزت اغراضهم وجى اخذهم وراح وجلس يغرد بتويتر عن حبيبته ويكتب عنها يعني حتى ماستحى مني ويوم اسال عيالي قالوا ياماما يكلم حرمه كل يوم ويقول لها انتي حبيبتي وحياتي وانا شاري البلاك بيري علشانك جاب عيالي لي بعيد الاضحى سالت ولدي الكبير قال يماماابوي في غرفتك قلت كيف وانا مقفلتها واخذه المفتاح قال فتحها بحديده صغيره وكل يوم يجلس فيها يكلم ويقفل عليه الباب ويتركنا ويطلع المهم لاحظت ان ابوي يبيني ارجع علشان عيالي ضغط على ابوي ورفضت قال طيب يصير خير الحيوان راح يقول لابوي اني انا رفله مانظف عيالي ولا البيت وقال كلام ماينقال تبلاني الله حسيبه ابوي هنا انقهر وقال ترجعين غصب الحين انا رجعت وشفت المر حابسني في شقتي لي الحين 3 اسابيع راجعه كان له دولاب بغرفتي يوم رجعت سحبه وحطه بغرفة عياله مايدخل غرفتي ابد الا اذا بغى حاجته اخلاقه تبن اعذروني على هالكلمه مكشر يقول تطيعين كلامي في كل شي وتردين علي وياويلك اذا مارديتي لكسر الجوال ع راسك واذا قلت لا يعني لا في كل شي طلعات من البيت مافيه بس مره بالشهر ويوم الرواتب بس طلعات لقرايب مافيه ولاصديقات واذا اهلك جو واخذو شقه ماتروحين لهم هم يجون عندك روحات لشقق مافيه حاليا هو في غرفته الي هي المجلس يكلم ويقفل عليه او بسيارته انا مايقعد معي ابد واذا قعد مكشر لاكلام حلو ولااخلاق حلوه بس مرجعني اضف عياله عنه علشان ياخذ راحته مع بنت الحرام قبل شوي روحت اودي قهوتي للمجلس علشان عمي جاي اقهويه قام زوجي اخذ جوالاته من فوق الطاوله طاح البلاك يابنات خلفية الشاشه صورة حبيبته يابنات بغيت اطقق بمووووووووت من القهر هو شافني يوم شفتها انا سكتت وقهويتهم كان ماصار شي ثم رحت لغرفتي اذن المغرب طلع عمي يصلي وزوجي طلع بس مارجع سالت ولدي قال في سيارته راح يعلمها اني شفت صورتها .... انا الحين مادري وش اسوي مقهوووووووره لان ابوي رجعني بالغصب ومقهوره لان هذا مايشوفني ولاشي تكفووون ابي حل معاد اطيق حياتي منه والي قهرني اكثر يوم سحب دولاب ملابسه وحطه بغرفة عياله واضح انه كاره وبايع بس بلشان في عياله .
ترا فيه اشياء كثيره ماقلتها لان نفسيتي زفت لاتطمر علي وحده وتقول يمكن الصوره صورة بنت عاديه الصوره صورة وحده عليها عبايه كتف وقاعده بكنب حق الكافيهات وواضحه انها حبيبته مير الله حسبيهم وزوجي خيخه وهذي خرفنته وقلبته علي مادري انا ابكي والا وش اسوي ؟
الموضوع مغلق