السلام عليكم بنات كيفكم
انا ملكتي بعد عشرة ايام و مو عارفة ايش اسوي و انا ما عندي خوات متزوجات عشان يدلوني و كل خواتي صغيرات انا الكبيرة و ما قد حضرت ملكة عشان زي كذا مو عارفة شي و كيف التجهيز ساعدوني والله انتوا مثل خواتي وابغاكم تنسقوا لي افكار للملكة هذا اول شي ...
ثانيا : البوفيه الصغير كم يكلف سعره ؟؟ و احنا مفكرين نعمل الملكة في البيت يعني بس بنعزم قريباتنا و قريبات خطيبي و هل لازم نعزم الرجال اللي يقربوله و لا عادي ينفع تكون الحفلة بس للحريم ؟؟
وكيف عادي اجلس على الكنبة مع خطيبي او لازم اجيب كوشة ؟؟ وهل الزفة لازم تكون هادية ؟؟
ثالثا : بالنسبة لجسمي فيه تصبغات عند الرقبة في اسمرار وفيني اسمرار كمان في الاكواع و الركب وفيني هالات خفيفة حول عيوني هل فيه كريمات طبية تعالج مشاكل بشرتي ؟؟ لأن الخلطات متعببببببببببة مرررة و ما فيني على الحوسة
رابعا : وابغى اسأل عن مكاين النتف و الحلاقة ايش افضل نوعية وكم سعرها ؟؟
اعذروني اسئلتي كثيييرة بس مالي بعد الله غيركم لا تسحبوا عليا :biggrinlo
ربي يحفظكم و يتمملكم على خير و يتمملي على خير ويبعد عنا كيد الحاقدين
2- قِرّوّبِ أٌقُبٌلِتُ أَحٌلّى 6ـرۈۉسُ تٌجّمّعِ عًرٌأَيُسّ 1434هـ \1435 اكتفى بالردود
متابعة النقاش، صفحة 85