السلام عليكم /
انامتزوجه وتعرفت ع وحده من منتدى نسائي لان كنا مشتركين بموضوع وبالبدايه كان تواصلنا ع الايميل جلس ست شهور وبعدين طلبت رقمي واعطيتها رقمي لاني بصراحه وثقت فيها وكنا نتواصل بشكل يومي ع الواتس لمدة شهور قليله وبعدين قللت تواصلها وانا كنت اعذرها لان كل شخص له ظروف وحتى لما اقلق عليهاارسل احيانا ترد واحييانا لا وبعديين رجعت علاقتها معي هي بدات برساله انها قلقانه علي ورجعنا وانا كنت ارجع معها حتى لو قطعتني يوم اشوفها ترسل مااطنش وبعدين اكتشفت بالصدفه انها متعرفه ع بنات من المنتدى تعرفت عليهم مثلي انا قل تواصلي معها لما اكتشفت انها ماخذتني بس وقت الطفش المهم انها خلال السنه هذي ماتتواصل معي الا اذا بغت خدمه مني وبعدين تغيب ولا كانها تعرفني ونفس الشي اذا بغت شي ترسل وانا الصراحه ماامدح نفسي اخدمها بكل شي تبغاه يمكن مرات قليله تسال عني بس عارفه انها طفشانه وتبي تضيع وقت وانا لما اطلبها شي ماتخدمني مع العلم ببداية علاقتنا كانت تخدمني و بالفتره الاخيره من خلال احساسي احسها مو طايقتني
وطبعا هذي الفتره محد من اهلي او زوجي يدري اني اكلم بنت من النت لان هذا الشي ممنوع عندنا انا نكلم احد مانعرفه واهلي يشوفوني اكلم بنت ويسالوني واقولهم صديقتي من ايام الدراسه
الحين انا قررت اني اتركها حتى لو ارسلت علي راح اطنش لاني اكتشفت خلال السنوات اللي فاتت ضيعت وقتي مع وحده ماتستاهلني وخصوصا اني كنت اوقف معها بوقت هي محتاجتني وهي للاسف خذلتني ومريت بمواقف الاشهر هذي وكنت اقول لها بس ماشفت منها اي وقفه معي
سؤالي الحين هل تحسون اني ظلمتها لو اتركها نهائي لاني انسانه اخاف من الظلم
والشي الثاني هل انا غلطانه اني استغفلت اهلي وكلمت البنت من وراهم ام لا
الله يسعدكم ساعدوني ايش التصرف المناسب اللي اتعامل معاها لو ارسلت تبي خدمه لاني حسيت بالاهانه وعدم التقدير معاها
شاركي في النقاش
سجلي الدخول لإضافة تعليق.
التعليقات
11- بداية حبيبتي اهنيك على اخلاصك..
لكن من باب الامانه صداقه بهذا الزمن انتهت..
اسئليني انا صح اني ما اعمم بس انلدغت لين اكتفييت..
صداقات البنات هالايام مصالح فقـــــط...!!
كلن صار نفسي نفسي.. وارجع اقولك ما أعمم
لكن تأكدي انتي ماقصرتي معهااا مرة وكونها بس تدورك وقت مصلحتها
فمعليش الي مايبيني وقت محنتي مابيه مرةة..
وبذكر لك موقف صغير قريب من موقفك تقريباً
انا نفسي الشيء بمنتدى نسائي وححدة تعرفت علي
وحبت تتواصل معاي خارج المنتدى بحكم الصداقة وانها بتترك المنتدى
للامانه وافقت معنه نادر جداً ممكن ارضى..
المهم واستمرت علاقتي فيها مرت الايام والشهور لدرجة الحين لو تساليني كم قعدت معك اقولك نسيت من انها اختفت من كل شيء..
جاء يوم طلبت مني خدمة شحن .. وشحنت لها بدون تردد
بعدها البنت مدري بكم بالضبط بس ليومك هذا ماعد تدخل الواتس
ادق وادق يرن بس ماترد انا كل خوفي وقلقي يكون فيها شيء
فقلت اكيد احد بيرد لو فيها شيء وللاسف ماحد رد
وحطيت عليها اكبر اكس لانها مثلها مثل غيرها
وصدمات اكثر من صداقة
فنصيحتي لاتخلين طيبتك او اخلاصك يحسسك انك ولاشيء
انك سويتي لناس اشياء ماتستحق
كوني أفضل مني وخليك منتصره
واي خدمة تحت امرك - ياحبيبتي صارو الناس كلهم كذا ..حقين مصلحه وبس ...
خليك عادي معها جات كلمتك تقدري تخدميها اخدميها واحتسبيه لوجه الله وان ذا من نيتك واخلاقك الحلوه ...
بس المهم ماتحسسيها انك ضعيفه وواش مابغت بتساعديها وتكلميها غصبا عنك ...
لاجات تكلمك قولي بمزح ها اكيد عندك شي عاد انتي ماتسالي الا لما يكون عندك شي ..
خليها تعرف ان منتي غبيه وباي وقت تبيك تجيك وبتلقاك جاهززه انك تسمعي لها ..
في بعض الناس والله مايبين المعروف فيهم ابد لكن نسكت ونحتسبه لوجه الله ..
وكل العلاقات الاجتماعيه ي حلووها بالبدايه ..
ولابغيتي تصارحيها صارحيها قولي ياحلو علاقتنا اول ..وكنت اتوقع بتكون حلوه ونستمر مع بعض وقت طوويل ..
يمكن هي مب منتبهه لهالشي ..
او تسوي هالشي من باب الميانه ..
سالفة اهلك احس شي عاددي انتي ماسويتي شي غلط .. ويمس سمعتك او سمعة اهلك ..لاتشيلي هم هالموضوع
انت متزوجه وكبيره وبتعرفي مصلحه نفسك ..مو شي غلط لما نتعرف على احد قابلنا بمكان عام .. بمستشفى ..بالنت ..بمناسبه
المهم مانثق بآحد ..ونعرف نختار ونتعامل صح معهم ..
الله يشرح بالك يارب ...دعواتش - وعشان بس لا اكون ظلمتها ماكانت تقصر معايا بوقفتها لما اتضايق
وساعدتني في امر ما .. لكن بكرا تبان الامور - ياااااااااابنت الحلال علاقات صداقه من سنين وايام دراسه وعشره عمر ولا تدوووم وكلها مصالح هالمره علاقه نت وش تنتظرين منها اتركيها افضل وابتعدي عن علاقات النت ماااقول لك ممكن تطيحين برجال لا انتي واعيه واكيد تعرفين اسلوب الحرمه من الرجال لكن لو كانت حرمه وش دراك انها اجوديه وبنت نااااس ممكن وراها بلاوي ومصايب
- مشكورات اخواتي ماقصرتوا..
مواضيع مشابهة
تابعي تجارب أخرى من هذا القسم.