معاناتي مع بنتي...

السلام عليكم ورحمة الله وبركاته. .

حبيت اكتب معاناتي... وياليت اللي عندها حل تكتبلي 

من يوم ولدت اكتشفت انه بنتي عندها فتاق في المبيض و السره... بس كان فتاق المبيض خطير وكانت تحتاج عملية... وسوت العملية وهي عمرها 3 اسابيع.. يوم العملية اكتشف الدكتور انه عندها خلع.. وبعد ما قامت بالسلامه سوينالها اشعه وطلع عندها خلع بالوركين.. وغطاء الورك الايسر مفتوح ... قالولنا يبغالها جبس و اتجبست 3 اسابيع وكان الجبس مو باين الا اطراف اصابيعها...ووديتها دكتور تاني قال حرام تجلس كدا لازم نفكلها هوا..و فكيناه وسوالها جبس لين ركبها بس بوضعية مفشوخه مره...جلست شهر و شوية بعدين فكيناه و سوالها اشعه قال الغطاء لسه مفتوح بس الوركين رجعو مكانهم بس خايفين تخرج اليسار لانه الغطا مفتوح... لبسها جهاز بأربطة جلست بيه شهرين و سوالها اشعه و نفس المشكله ودحين ليها شهرين تانية بيه... وديتها امس دكتور تاني قال لازم تتجبس تاني عشان اليسار ما تخرج او تتحرك من مكانها... ونفسيتي مررررره تعبت وانا اشوف بنتي كدا تعبت مره مسكينه.. لو وحده مرت بالحاله دي ياليت تقلي ايش سوت.. لاني متردده اسويلها الجبس هي عمرها دحين 8 شهور

اسفه طولت عليكم... ياليت القى رد..