زوجي وااه من زوجي

السلام عليكم ورحمة الله وبركاته.        بنات انا عضوه قديمه واحب هذا المنتدى ومن متابعينه لي 8 سنين بس من فتره انشغلت عن النت ونسيت كلمة السر حقت عضويتي والاسم  المهم انا لااول مره بسرد حياتي للملأ من الضيق الي انا فيه انا عندي 3 اطفال ولي متزوجه 9 سنين بداية حياتي مع زوجي حملت على طول وجا وحامي عليه وكرهته ورحت بيت اهلي وولدت عندهم ورجعت بيتي بعدين وعشت فتره مرتاحه لكن من سنتين تقريباً بدت حياتي تنقلب وزوجي لااول مره يضربني ضرب قوي عشان قلت مورايحه السوق عشان تأخر علي طلع البيت وضربني وراضني ورضيت بماانها المره الاولى عديتها قلت يمكن نرفزته وبعدها بفتره تهاوشنا صار يرفسني برجوله على بطني ويخنقني لين احس اطرافي بردت وبيغمى علي يفكني وتركت البيت وهربت برضو بعد ماحبسني واخذ جوالي واستغفلته وشردت بس ابوي رجعني له من ليلتها المهم ومن فتره موبعيده تقريبا من 3 شهور رحت معاه مشوار وتهاوشنا بالسياره ورفض يوديني مشواري الي انا خارجه عشانه وعصبت انا وهو عصب وصار يضربني بالسيارره زي المجنون ويفك طرحتي ونقابي ويشد شعري ويضرب راسي وكانو في 2 رجال قدام سيارتنا جالسين ع الرصيف وشافوني وانا بشعري تخيلو وانا انهار والبس الطرحه واطلع البيت وجلس يبوس راسي ويتعذر وسحب مفتاحي وجوالي عشان مااعلم عليه المهم بعد ماهديت وذلف عني راح لغرفه ثانيه وانا استغفله واخذ مفتاحي وجوالي واطلع واوقف تكسي ورحت لمستشفى واخذت تقرير طبي وانكتب بالتقرير كدمات ورضوض بالراس والايدي المهم جلست يومين عند اهلي مااتصل علي وتركت عيالي عنده بالبيت جلست يومين عنهم انحرق قلبي عليهم المهم رجعت من غير شروط ولا رضوى ولاشي ولا بيقول اني انا الغلطانه موهو . وراح وعلم اخواته انه ضربني واخواني رجعوني له!! ومره يتبجح عند اخواته يقول بتزوج وهم مبسوطين ويقول لهم ادعولي ان القى وحده زينه وانا احلفه اش ناقصني يقول موناقصك جمال وجميله المهم الموقف الاخير الي كرهته فيه كنت برى البيت مع عيالي والتهيت معهم وماانتبهت ان جوالي ع الصامت ولما طلعته من الشنطه عشان اتصل عليه لقيت له 4 مكالمات واخر مكالمه من ساعه المهم رجعت اتصلت عليه مايرد ادخل الواتس القاه متصل!! عرفت انه بمزاجه مايرد علي هو مايرد علي يعني بيرد الحركه فيني عشان مارديت عليه زي البزر مافكر بالزمان كان الوقت الساعه12 وبرى البيت وبعياله!! وارجع اتصل مايرد والقاه برضو متصل بالواتس لما يأست انه يرد ارسلت له بالواتس بوقف تاكسي وبرجع البيت ورد برساله قال انا جايكم بعد نص ساعه وجا وانا وهو مانتكلم كل واحد زعلان من الثاني صار لنا اسبوع وتطورت حالته انه ينام بغرفه ثانيه يعنني وهو يابنات متأكده انه موراعي بنات لانه جواله على طول اشيك عليه وهو مره ملتزم وش تنصحوني فيه؟؟ تعبت معاه تكفون بنات لاتقولولي اهلك واهله محد فيهم صاحي يعتمد عليه كلاً همه نفسي نفسي