يارب رحمتك تعبت من العلاج و النتائج بطيئه
السلام عليكم و رحمة الله و بركاته
تعبت من العلاجات و التدهين بالزيوت و الماء المرقي و العسل المقروء فيه و و و و .... و في النهايه حالتي ما تسر
يا بنات الحلال أنا سجلت في منتدى الخليفه من شهر 4 تخيلوا كل هالفتره للحين ... أنا ما أنكر فضلهم بعد الله و مساعدتهم لي و ما أنكر اني تحسنت كثير عن أول من نواحي كثيره أنا كمريضه روحيه أدرى فيها
لكن باقي يا بنات الحلال السبب الرئيسي اللي سجلت في منتدى الخليفه علشانه و هو الجااااثوم حسبي الله عليه مو راضي يفارقني غثني و قلب حياتي لجحيم لا تقولوا مو لهالدرجه إلا بالهالدرجه و أزود
أعاني يا بنات بشكل مو طبيعي كل ليله يجيني المعلون و الغريب إني أنام على الرقيه أو سورة البقره أو الأذان و سورة الكرسي أترك الكمبيوتر شغال طول الليل على وحده من هالشغلات هذه و رغم هذا يجيني و أنام على طهاره و أذكار صباح و مساء و سنن ما قبل النوم و أختم القرآن و أقرا قرآن باستمرار و أرش مسك وماء مرقي و أكون داهنه زيت و عامله قبعة المسك أحصن البيت و الغرفه و يجيني ... يا ناس راح أموت راح أنجن رغم كل شي أعمله بالإضافه للصدقه و الله اني أطلع صدقه باستمرار و ملتزمه بديني و أخلاقي و كل أموري تمام ... و بعدين مع هالحاله راح أنجن يا ناس صار يجنيني الحين و يطول كثثثثثثثثثثثثثثثثثير و يضايقني كثييييييير و قبل يومين حسيت فيه و طبعاً عيوني مفتحه يعني بين نايمه و صاحيه لكن عيوني مفتحه و الله شفت واحد لونه أسود بأسود و شكله مهو آدمي طبيعي مثلنا بالعكس ماله معالم كان جالس جنبي على السرير و ماسك يدي و فجأه اختفى و راح الجاثوم مباشره و الليله أجاني و طول كثير أكثر من 5 دقايق و أنا أعاني و أعاني ........ و الله حالتي حاله و الله لدرجة إني أحس بيد تضغط علي
أنا متابعه مع المعالج في منتدى الخليفه و أعمل كل شي يطلبه مني و هو يدري انه الجاثوم مو مفارقني
حياتي راح تنتهي خلاااااص تعبت نفسياً من طول العلاج من جهه و من ضيق وقتي من جهه ثانيه لأني موظفه و ما عندي وقت و من التكلفه الماليه بسبب العلاج من مسك و عسل و أعشاب و غيره و غيره و تعبت أكثر لأنه هالملعون مو راضي يفارقني ايش اعمل و ايش اسوي وين اروووووووح .... يارب رحمتك يارب فرجك انت العالم بحالي يارحيم
مو طالبه أكثر من الدعاء أمانه عليكم و الله إني بحاجة الدعاء لرفع البلاء عني يا بنات ادعوا لي لعلها تصادف ساعة استجابه