الحقو علي يابنات زوجي تعبان

السلام عليكم زوجي عنده جرثومة وضغطه مرتفع والحين الدكتورة رعبتنا تقوله فيك القلب والله ياخواتي مب شايفة قدامي انا اصلا فيني جرثومة وتعبانة ومالي حد هو مايشتكي من الام في الصدر بس حرقة وحموضة من الجرثومة وهو اصلا رياضي كمال اجسام خوفته وقالت له ماشي رياضة وانت ليش جاي وحدك ولاتسوق سيارة وحنا كل يوم طالعين ومافيه الا العافيه ارجووكم خواتي طمنوني وادعولي يرجع من الطواري سالم لأنها حولته الطواري يشوفه طبيب قلب والله حلتي حاله مالي غيرة بعد الله هل الرياضيين يمكن يكون ضربات القلب عندهم غير لأنه قالي قبل يصير عندهم تضخم في عضلة القلب والله مسكين ساير وهو مكسور يفكر فينا ضغطه 180 وهو يشيش وهو في اول الأربعين وعلى فكره هو عليه حسد وايد وخاصة من اهلي ادعولي يابنات الله يرده لي بلعافية ويكون الخبر كاذب يااااارب وولدي عمره 2 سنة ضرب وجهه الحين في السرير عنزل من خشمه دم شوي يحتاج مستشفى ولالا

34 تعليق 6,416 مشاهدة

شاركي في النقاش

سجلي الدخول لإضافة تعليق.

التعليقات

34
  1. @anoar_bdr

    صاحبة الموضوع
    وينكم يابنات اه يابنات احس اني بموت زوجي طيب وزين معي ومع الناس كلهم وماعندي الا ولد واحد وماقدرت احمل بسبب الجرثومة وهو مسكين يلومني كان يبي عيال اكثر وانا اأجل لما اخف منها لأني وايد ادوووخ ياااارب مايكون فيه شي ويكون تشخيص الطبيبة غلط من مر عليه رياضي القلب يكون ضرباته غير او من الجرثومة سامحوني بس ودي خبر يريحني يالله
  2. أنوار بدر
    وينكم يابنات اه يابنات احس اني بموت زوجي طيب وزين معي ومع الناس كلهم وماعندي الا ولد واحد وماقدرت احمل بسبب الجرثومة وهو مسكين يلومني كان يبي عيال اكثر وانا اأجل لما اخف منها لأني وايد ادوووخ ياااارب مايكون فيه شي ويكون تشخيص الطبيبة غلط …
    يالله كسرتي خاطري الله يطمن قلبك ياعمري ويرجع زوجك سالم غانم مافيه الا العافيه يااااارب واعتقد العكس الرياضيين تكون صحتهم احسن من غيرهم الله لايفجع لك قلب وابنك الله معاه مافيه الا العافيه مايحتاج تروحين الا اذا الدم ماتوقف الله يطمن قلبك لاتنسي ماتطمنينا ع زوجك الله يعافيه ومايشوف شر تقبلي مروري
  3. @anoar_bdr

    صاحبة الموضوع
    ان شاء الله يأختي مشكوره والله بعده في الأربعين وكانت صحته زينه بس من بعد ماتزوجنا جاتنا الجرثومة ومن يومنا نعاني منها بس القلب غررييبة ماتوقعنا ممكن يجي من الحسد افكر اروح له المستشفى بعيالي بس ماتحمل اشوفه وهو في الفحص بس كيف اسوق وانا بها الحالة

تابعي تجارب أخرى من هذا القسم.