زوجي وابوه وأختي

ريحي راسك و خلي عندك أسلوب مقنع و اشتغلي دوي ع زوجك إنه هذي الزيجة مو من مصلحتكم ﻷنه ما راح يكون بينهم توافق و راح تكثر المشاكل و يدخلونكم فيها و ينغصون حياتكم مع اﻷيام بيقتنع . و يا ليت تسألين أختك يمكن يكون عاجبها ﻷنه كثير بنات صار تفكيرهم كذا و كلامهم يدلعني و يعيشني أحسن من الشباب و الله أعلم

انا .......... صراحه الومك ع ضعف شخصيتك
مبين انك خايفه منه !!!!

هو مايستحي يوم يزوج اختك اللي باول شبابها لشاايب خلف زوجك ذا اللي مقابلته الحين !!!
والمصيبه رايح جاي يستنى الموافقه !
وواضح ماسك من اليد اللي توجعك قال مابتزوج عليك !



اتخذي معه موقف قوي
المفروض من اول ماقالك كذا قصيتي لسانه !!

ماقصرتم على الردود 
اهلي اكيد مابيوافقو ولا انا ولا اختي بس مادري مو مصدقين 
وزوجي يقول لي ماراح اتزوج عليك طول العمر واعطيك اللي تبغي كنوع من المكافئة وهو ماقالي اذا رفضت راح اتزوج وانا ماني خايفة منه بس ابغى اخلص من الموضوع احسه شاغل مخي واذا زرتهم احسهم يلمحو وطفشت منهم وزوجي يقولي انتي كلمي اختك وامك وخلي وابوك علي انا اكلمة وترى امه تبغى ابوه يتزوج علشان الثانية وزوجي
 يبغى يقدم لهم هذا المعروف 
امحق معروف 

اسمحيلي اختي اقولك
زوجك وابوه مريضين نفسيا
وبعدين كيف لو تزوج ابوه اختك ماراح يتزوج عليكي - اسمحيلي اش هذا التفكير المنحط سقيم وعقيم
تخلف ورب الكعبه - ببساطه قولي البنت رفضت - ولالي دخل بالموضوع -امي وابوي موجودين -روحو اخطبوها
الى متى يضل تفكير الرجال جنسي بحت -يعني مافكر بعمره قبل يقدم على الخطوه هاذي
حسبي الله ونعم الوكيل

وبقولكم علشان توضح لكم الصورة اكثر ابو زوجي يزوج بناته صغار وماهمه متزوج ولا عزوبي اهم شيء عنده الدين والاخلاق علشان كذا مستغرب رفض اختي له وهو صح زي ماقالت الاخت الوحيده يشوف انها عنست وقلت فرصتها في الزواج وهو يصوم ويصلي النوافل وفهمت من كلام زوجي انه يبغى اطفال لان عياله كلهم كبرو ويبغى من يهتم فيه وبعد يتشرط مو كل عايله يخطب منهم .
والله يابنات عاجزة عن شكركم على تفاعلكم واستفدت منكم كثيييييييييير .