موضوع للنقاش لاأحد يمر من غير مايشارك

اولا السلام عليكم ورحمه الله وبركاته
ثانيا الموضوع الي حبيت اطرحه هو




لاحظت انه في مجتمعنا الان اصبح اهم شي في حياة المراة الوظيفه يعني ممكن تتخلي عن كل شي في سبيل وظيفتها والله العظيم ما ابالغ في حريم تاركين ازواجهم واطفالهم عشان الوظيفه تقولون محتاجين لا والله انا اعرفهم والله بيوت من احسن شي وخدم ومع ذلك تحسينها بتموت من غير وظيفه وتروح اخر الدنيا وتترك اولادها
بغيت اسال الحين كلكم متوظفات ولا و اذا كنتي لا هل تعانون من الضيقه الماديه مع ازواجكم يعني ماتقدرون تشترون الي نفسكم فيه تحسون انه راتب زوجك مايكفي لك ولاولادك والبيت والسفر وغيره تحسين انك اقل من المتوظفه
لاني وبصراحه من ملاحظاتي لاحظت انه الغير موظفه تلبس احسن من الموظفه مدري انتو زيي ولا لا
باختصار الغير موظفات حاسين بنقص ولا لا
تري هذا اول موضوع ليه اتمني ما تفشلوني ومحد يشارك :09:

33 تعليق 3,415 مشاهدة

شاركي في النقاش

سجلي الدخول لإضافة تعليق.

التعليقات

28
  1. @alaaod_almnthor

    اممممممم انا مو متزوجه بس بجاوبج من منطلق حياتنا
    الوالده الله يخليها لنا تشتغل مدرسه والحمدلله نحن ما علينا قاصر لكن هى حبت انها تعتمد علي نفسها وتساعد ابوي وما تثقل عليه ,وهذا شي حلو ان الوحده عالاقل تتحمل جزء من مصاريفها
    بس اهم شي انها تنسق وقتها يعنى الحمدلله نحن كبرنا ومو حاسين انها قصرت معانا بالعكس كانت تشد علينا اكثر عشان تحسسنا انها مو غايبه وان عينها علينا وكانت تدرسنا وتطبخ لنا ماشاء الله عليها . وعن اللبس ماله علاقه بس يمكن يحبون الاشياء العمليه اكثر , عن نفسي صعبه انى اشتغل لو تزوجت لان وظيفتى الحاليه 12 ساعه باليوم ومافي وظايف اصلا الله يعين ,موضوعج مهم وبأنتظار الاراء
  2. مرحباا ..

    موضوعج حلو عزيزتي وحبيت اشاركج :)


    انا مب متزوجه .. ومخلصه الكليه
    وقاعده في البيت ما اشتغل :42:

    ولو تزوجت ماراح اشتغل .. عشان سي السيد مايبيني اشتغل

    بس انا عندي قناعه اني ماراح اقدر اوفق بين بيتي ووظيفتي في المستقبل .. عشان جذيه مب متحمسه للوظيفه ...

    والحين الحمدلله قاعده في بيت اهلي ومو قاصرني شي .. يعني مالها داعي الوظيفه ..

    بس مو معناته اني ضد اللي محتاجه الوظيفه .. لا لا كل وحده ادرى بنفسها اذا هي محتاجه الوظيفه واللا لا .. واذا هي قادره توفق بين بيتها ووظيفتها واللا لا ...


    وعسى الله يوفق كل بنات عالم حواء :)
  3. @amptlfon_khrban_amp

    العود المنثور
    اممممممم انا مو متزوجه بس بجاوبج من منطلق حياتنا الوالده الله يخليها لنا تشتغل مدرسه والحمدلله نحن ما علينا قاصر لكن هى حبت انها تعتمد علي نفسها وتساعد ابوي وما تثقل عليه ,وهذا شي حلو ان الوحده عالاقل تتحمل جزء من مصاريفها بس اهم شي انها…
    امممممممممممم

    شوفي من نظرتي حسب ذوق الحرمه يعني فيه موظفات مره ذوق وانيقات وفيه زيهم ربات بيوت يعني حسب الحرمه نفسها

    بالنسبه لي ربة منزل وما اتوقع يوم اتوظف (لاني زوجي رافض الفكره ويوقل لو توظفتي اعرست :09: )

    بالنسبه للاشياء الرئيسيه لي ولعيالي حسب الميزانيه الشهريه وحسب كرم ابو الشباب يعني بعض الاحيان بالكاد نمشي اعمارنا وبعض الاحيان يجيه كرم حاتم :22:


    وحسب راتب الرجال واللي يعطيه للحرمه والله يسخرهم لنا ويجيبون لنا اكثر :30:
  4. @ryh_almtr

    انا الحمد لله مو موظفه وكنت اول ما تخرجت اتمنى اتوظف عشان العلاقات اكثر
    بس الحين مرتاحه وكل اللي نفسي فيه احصله الله يخلي لي ابو عيالي
    ما قصر علي الله يديم الخير اميييييييييييييييييين

تابعي تجارب أخرى من هذا القسم.