عندي مشكلة وابي السنعات يدخلن

السلام عليكم

الله صلي وسلم وبارك على محمد وعلى آل حمد كما باركت على ابراهيم وعلى آل ابراهيم

بنات بدخل بموضوعي

انا كان عندي شغالة بس راح تسافر الحمدلله لانها علت قلبي
وبيني وبينكم ما ابي اجيب شغالة ثاني وعشان زوجي ماعنده ميزانيه
وانا من نفسي كااااااااارهه الشغالة اللي كل شوي لازم اعيد الكلام مليوووون مرة لين والله صوتي يروح

انا ام وطالبه بالجامعه دوامي
اطلع من البيت 6:30 وارجع الاحد والثلاثاء ساعه4:30 العصر على حسب زحمة الباص
ويوم الاثنين والاربعاء ارجع 11 الصبح الحمد لله نعمه

والخميس ارجع 1ظهرا

واغلب الايام مايجيني نوم او ولدي الصغير يسهرني
وارجع البيت هلاكااانه من التعب حتى عباتي ما اقدر اعلقها بس احتسب الاجر وعلى طول اشوف شغلي مع اولادي
لانهم طول اليوم مع جدتهم ام ابوهم

انا كتبت لكم تفاصيل كثيرة عشان تساعدوني تحطون لي جدول
وتعطوني نصايحكم وخبراتكم يالسنعات
عشان لما تروح الشغالة ما احوس
ويكون موضوعي هذا مرجع لي إن شاء الله
ابيكم تعطوني كل ماعندكم

لا تطنشوني الله يخليكم
ويحرم جسدكم النار



11 تعليق 2,177 مشاهدة

شاركي في النقاش

سجلي الدخول لإضافة تعليق.

التعليقات

11
  1. صاحبة الموضوع
    نسيت اقولكم انا ساكنه بيت اهل زوجي وكل شئ مشتركة وخوات زوجي موظفات وما يحبون شغل البيت وهم اكبر مني واستحي اقولهم تعالوا نظفوا معاي اومايحسون بالواحد لو يجي من دوامه وتعبان وينظف

    وبيتنا صغيرررر وملموم
  2. @skrh_34

    تابعي ملف همم الموظفات مفيد لك بحكم انك كأنك موظفه استفدت منو لاني ادرس وما عندي شغاله
  3. @am_aayal_hloyn

    رتبي لك جدول للغسيل والكوي

    اولادك طبعا حاولى توديهم حضانه او روضه

    منها يصحو معاكى وينامو معاكى

    والله يكون في عونج
  4. @sosyo

    اسال الله لك التوفيق في دراستك وبيتك
    الامور بتتسهل باذن الله مع الترتيب والنظام
    اول شي تسويه من الان انك تجلسي مع نفسك وتاخذي قلم وورقه
    تشوفي بيتك ايش يحتاج من شغل وتنظيف وترتيب وازاله كراكيب .... يعني تشوفي كم غرفه وكم حمام وتوزعي بينهم الشغل بحيث انك ماتهملي اي جانب
    حاولي اذا نظفتي او رتبتي مكان انك تقفليه وتحددي مكان للاطفال للعب والجلوس
    ممكن تقفلي الدواليب والادراج اللي رتبتيها وتخافي الصغار يخربوها بلصق قوي او اقفال خاصه بالدواليب
    انا ما انصحك ابدا بالشغالات حتى اللي بالساعه
    كمان تشوفي شغلك مع نفسك وزوجك واطفالك .... من غسيل ملابس وكوي وطبخ وتحميم الاطفال والاهتمام بنفسك ومذاكرتك والاهتمام بزوجك
    ممكن تحددي وقت للغسيل والكوي يناسبك ووقت لطبخ بعض الاصناف اللي تحفظيها بالفريزر ووقت للجلوس مع الزوج والاهتمام باموره
    اذا كان وضع الاطفال مع جدتهم كويس تمام وممكن زي ما قالت الاخت تحطيهم بحضانه
    نظمي وقت نوم الصغار لان بتتنظم امورك اكثر وبتلقين وقت احسن لتعملي فيها اللي تبغين
    وطبعا اذا سويتي الجدول خليه معقول لا تضغطي على نفسك والتزمي فيه وخلي من اولوياتك انك تنجزي اشغالك اول باول

    اتمنى اني ساعدتك ... والله يوفقك يا الطيبه

تابعي تجارب أخرى من هذا القسم.