مصادر: المدارس الأهلية تستقطب سعوديات بـ 7 آلاف ريال للحد من تسرب طالباتها

وماادراك عزيزتى عن الغالب !!؟؟ ماشاءالله الأخت باحثة وحقت احصائيات ؟؟
بلا خراااط لكل مجتهد نصيب وين هالكلام لكل مجتهد نصيب طيري بس وواضحة المسالة مايبي لها عضلات مادوامن لانهن اما ماعندهم شهادة او مخالفات ياشين الترزز

انت حتما من يستحق
الله يجبر بخاطرك بس ليش الظلم وليش الادارة كانت معهم
الله يفرج همك انا عن نفسي ابحث عن وظيفة في مدرسة اهلية بس لما اسمع كلام اللي انظلموا فيها اتردد

الاخت الكريمه برنسيستهن

اولا الاسلوب الوضيع اللي كاتبه فيه الرد تأكدي انه ما يدل الا على اخلاقك و مستواك

ثانيا لما قلت الأغلب تكلمت عن المدارس الاهليه الكبيرة اللي فعلا مهتمين بتعليم اللغات و بعض المناهج

اللي مو موجودة في المدارس الاهلية الثانيه و الحكومية

كلامي ما كان عن المدارس الاهلية البسيطة و بعض المدارس الخيريه اللي يشتغلو فيها المعلمات بنظام العقود

و اغلبهن اجنبيات رواتبهن على 700 او 800 و كل سنة لو حابه تستمر تجدد عقدها ..

طبيعي ماني صاحبة دراسات ولا احصائيات انسانه عاديه زي اي وحده خلينا الترزز و طولة اللسان لك

عضلات و خراط << انتقي الفاظك ع الاقل احتراما لنفسك

الشي الثالث و الأهم و بعيد تماما عن الأجانب

البنت او الخريجه السعوديه ما ضيع تعبها و جهدها و دراستها الا وزارة فاسدة بكل طاقمها الا من رحم الله

عرقلة في التوظيف الحكومي و تعجيز منسق للطالبات ابتداء باختبار قدرات المعلمين و بالتدريج صار النجاح فيه

ضربة حظ مئات الخريجات تقدمو للاختبار و ما نجح منهم الا 46 او 49 هذا عدل في نظرك !!

بالإضافة الى مشكلة التعيين في القرى البعيده و مشكلة النقل يعني بالعربي اما تقبلي التدريس في قرى سنييين طويله

او جيبي واسطه تنقلك في لمح البصر

* التعليم الأهلي ..

ظلم للمعلمة و ضغط عليها في الطلبات مطلوب منها تقدم كل شيء على اكمل وجه وسائل . عروض و العاب تعليمية ... الخ

و معلمة الحكومي تعطي الدرس و تمشي و بعضهم تلخص المنهج في مذكرة ورقتين و تمتحن البنات فيها و لا اعمم

- رواتب المعلمات نص منها ع الموارد و نص ع المديرة و كل مديرة حسب امانتها اما تصرف الرواتب بوقتها او تماطل

كذلك الموارد تصرف شهر شهرين و بعدها تعلقك 3 شهور و بعد مراجعات و اتصالات ينزل الراتب

كلها على 5000 و مدرسة الحكومي ينزل راتبها اول بأول

- بعض المديرات ظالمات توظف الخريجه صاحبة الخبرة ب 1800 و اللي ما عندها خبرة ب 1500

مشكلة المعلمات البديلات و مشكلة خريجات الكليات المتوسطه

هل كل هذا بسبب تواجد الاجنبيات ؟

و لنفرض انهم ترحلو كلهم عن بكرة ابيهم تعتقدي هذي المشاكل بتزول في لمح البصر !!


لابد نعترف اننا نعاني من فساد وزاري و اهمال تام ولا فيه جهة مسؤولة تتابع هذي المشاكل

البنت تدرس و تتعب و تتخرج و في النهاية البيت ينتظرها

اما تقبل بحكومي في آخر الدنيا او اهلي و تتحمل أنواع المذلة او انها تتفاجأ بأن تخصصها ماله تصنيف في جدارة

طيب لحد متى و المواطن متبهذل ؟؟ مثلما البلد مجتهدة في ترحيل الاجانب المخالفين و تصحيح اوضاع البقية

لابد انها تلتفت لأبناء وطنها و تشوف طلباتهم و تحل مشاكلهم

الله يعوضك خير وبوظيفه أفضل منها إن شاء الله ..ولا تخافي حبيبتي حق المظلوم مايروح عند ربك ....
حسبي الله ونعم الوكيل ......

موفقة