شاركي في النقاش

سجلي الدخول لإضافة تعليق.

التعليقات

28
  1. @nfh_alaryg

    زوجة فهد
    أنا الحمدالله زوجي مو مقصر معي بس ودي بوظيفة لأني ساعات اشتهي اعطي أمي ولا ابوي هدية محترمة وعلى مستوى لكن استحي اطلب منه مع اني عارفه والله انه ما يقصر الله يخليه لي إنشاالله بس اكون مرتاحه اكثر لما يكون هالشي من فلوسي... وبعد رايي من راي…
    ماحد عاجبه حاله
    اللي قاعده بالبيت مو عاجبها واللي موظفه مو عاجبها :)

    الحمدلله على كل حال ..
    وانا مو موظفه واهم شى ان شهادتى عندي ومتى ما احتجتها موجوده ..
    وخصوصا ان زوجي مو مقصر معي ابدا ..

    ..

    .
  2. @maf_rasha

    أهم نقطة انه كل واحدة تكمل دراستها ويكون عندها شهادة جامعية ( لك وللزمن ) - سواء توظفت او لأ-لله أعلم بعدين أيش يصير - لا سمح الله يمكن تحتاجينها

    الوظيفة بالإتفاق مع الزوج وحسب حالته المادية وتذكر دايما انه بيتك وأطفالك لهم الأولوية
  3. ماف راسها
    أهم نقطة انه كل واحدة تكمل دراستها ويكون عندها شهادة جامعية ( لك وللزمن ) - سواء توظفت او لأ-لله أعلم بعدين أيش يصير - لا سمح الله يمكن تحتاجينها الوظيفة بالإتفاق مع الزوج وحسب حالته المادية وتذكر دايما انه بيتك وأطفالك لهم الأولوية
    انا مو معرسه بس موظفه و الادهى اني ما كملت دراسه لاسباب مادية جبرتني اشتغل على صغر بس والله احسن من قعدت البيت لاني حسيت ان قعدت البيت بتجنني و تجيني افكار مهب زينه و للغير متزوجة هو شي جيد علشان يملى وقي الفراغ ترى الفاضية ملعب للشيطان الافكار تجيبها و توديها و يمكن الوظيفة توسع افاقها و تجعلها مستقلة و ادعولي ان شاء الله نويت اكمل دراستي بس بكمل دوام ( نص دوام ) علشان الديون.
    والله زوجة اخوي كانت تشتغل بس ياها عيال بطلت وانا اشوف هذا عين العقل لانها الحين مشغولة تربي يهالها بس اذا يوم من الايام احتاج اخوي مساعدتها ما اعتقد بانها تعارض تشتغل.
    اعتقد الموظفة تسعى للبس الملابس المريحة يمكن ما تكون لين هناك لانها تظل اكثر من 8 ساعات برى البيت.
    و كل حرمه لها ظروفها و احتياجاتها.
    و الي هامله ريلها و عيالها ترى ذنبها على جنبها يوم يتزوج عليها و الا عيالها يعقونها لاني شفت حريم موظفات و قايمين بالواجب و زياده.
    بارك الله فيش على هذا الموضوع تراه مهم وايد و يحتاج نقاس.

    و هذا رأي الشخصي.....................و دمتم
  4. @algmal_alkhfy

    أهلا فيج أختي ليدي السعودية..:)

    أولا شكرا على طرحج لهذا الموضوع.. لأني وااايد أفكر فيه.. وقد شاركت في موضوع مشابه..

    أنا مب مزرجة وبعدني طالبة جامعية.. حاليا.. وااايد أفكر بمستقبلي العلمي وطموحي ماله حد.. بس لما تيني فكرة الزواج (لاني على وش جواز:09: ) أتردد وااايد .. :confused-

    أول شي أنا رايي غير عن كل الأخوات.. أنا أشوف أن الوظية وااايد مهمة وخاصة في هالأيام.. الحياة استوت وااايد غالية.. والزوج كم بيتحمل.. وظيفة المرأة وااايد مساعدة لميزانية البيت..

    بالنسبة للوظيفة والتربية:




    صح كلامج أختي.. أنا واايد أعرف حريم مش موظفات بس وااايد مقصرين في حق عيالهم وأزواجهم.. تلقينها تطلع السووق ولا تسير عند صديقاتها ولا تسير النادي.. يعني باختصار.. (ما تقر في البيت).. وفي المقابل في زوجات موظفات بس مب مخلين عيالهم محتاجين شي.. ومب مقصرين في أزواجهم بعد..

    يا رب أكون مثلهم..:biggrinlo

    يعني أشوف أن الحرمة بإيدها كل شي.. ومالها غنى عن الوظيفة..

    وعن اللبس:




    بالعكس نحن في مجتمعنا.. الموظفة تلبس أحسن من ربة البيت.. لأانها تقدر تشتري اللي تباه وبدون ما تثقل على ريلها..

    لااااااااا.. لا تزعلون مني.. والله أن ربة البيت اللي حياتها كلها زوجها وعيالها.. واااايد أحترمها.. وفوق راسي.. هذي وضيفتها أكبر وظيفة.. أنا بس أقصد المهملات :09: وما أعتقد في منكم مهملات صح؟:icon10:
  5. @aldnya_rbyaa

    الحين الحريم تشتغل عشان ترهي على نفسها مو عشان تساعد الزوج وبعدين الزوج يكون موظف ولو ضعيف راتبه يعيشون على قدهم شيسوي للزوجة يبوق وأنا من رأيي أم العيال ما تشتغل تهد بيتها وعيالها وزوجها ( بعض الرجال يكون دوامهم شفتات ) حتى لو هي تبي الوظيفة بيتها وعياله وزوجها يبونها ما فكرت فيهم ( بعض الحريم يقولن خدامتهم عندهم ماعليهم ؟) الخدامة مو أمهم
    والصراحة المرأة تشتغل تبي فلوس عشان تشتري ملابس وبخور وقمصان وتحط طقم للصالة وتخربط وفيه كلام كثير ودي أقوله لكن أهم شئ بالنسبة لي هو
    إن الزوج هو المسؤل عن كل شئ من إلى والزوجة تعيش على قد حال الزوج ولما جاء الزوج وخطبها هي عارفة ظروفه إذا كان مقتدر أو غني أو فقير

تابعي تجارب أخرى من هذا القسم.