حزينه من تريقة زوجي عليه وتمننه

مساء الخير حزينه يابنات من كلام زوجي لي انا تزوجته وعمري 30 البارحه قعد يعايرني ويتمنن عليه بزواجه مني يقولي ماحد جاء خطبك غيري ولو ماتزوجتك كنتي للحين عانس قولي الحمدالله اني اخذتك وقعد يضحك بصوت عالي وقال كأني اشوفك هذيك الليله الي خطبتك فيها مانمتي من الفرحه صح وقعد يضحك بعدين قال لو طلقتك او مت ماحد راح ياخذك فقولي يارب تخلي لي زوجي انا عصبت وقلت له الليله الي خطبتني فيها قعد افكر انا عرفت اختار الزوج الي يناسبني ولا لأ ولو طلقتني او مت مابعيش على ذكراك بتزوج غيرك قال من بياخذك قلت ربي الرازق وهذي يابنات مو اول مره يعايرني بعمري وزاجي منه مع انه اكبر مني بسنه مدري كيف اتصرف معاه

116 تعليق 29,633 مشاهدة

شاركي في النقاش

سجلي الدخول لإضافة تعليق.

التعليقات

112
  1. @asyr_shok_4

    اذا مرة ثانية ردد على مسامعج هذه الاسطوانه المشروخه اقعدي اضحكي وقهريه خلي نفسج كأنج تسمعين نكته
    لان اساساً ما قال لج هالكلام غير وده يغيضج وبس
    فانت وصلي له معلومة ان كلامه ما يهمج واضحكي على العبط الي يقوله
    لان ياما نشوف حريم اقل من المتوسط وازواجهم اروع الازواج الموضوع مثل ما قلتي نصيب وزوجج فاهم هذا الشي يعني ما يبي منج توضيح اهو بس يبي يغضج فلا توصليه لمراده
  2. @girl1986

    أتوقع انه كان يتغشمر معاج بس غشمرتهم ثقيلة الله يهديهم

    آنه لين زوجي يبدأ بهالنوعيه من الإسطوانات ابدأ أستغفر ربي وأسبح بصوت مسموع، احيانا ينفع هالأسلوب معاه... يحس بتفاهة كلامه

    مادري أذا ها لحل يناسبك.... الله يعينا عليهم
  3. @gmayn

    اسيرة شوق ^^
    اذا مرة ثانية ردد على مسامعج هذه الاسطوانه المشروخه اقعدي اضحكي وقهريه خلي نفسج كأنج تسمعين نكته لان اساساً ما قال لج هالكلام غير وده يغيضج وبس فانت وصلي له معلومة ان كلامه ما يهمج واضحكي على العبط الي يقوله لان ياما نشوف حريم اقل من الم…
    اهم شي خليك واثقة من نفسك ولا تخلي كلامه ياثر على نفسيتك
  4. @11bronzyh11

    قولي وش يخَلييـگ تاخذ ام ثلاثين اللي مالقت احد يخطبها

    الا انك باير ومالقيت وحده تقبل فيگ ياحقير

تابعي تجارب أخرى من هذا القسم.