حبيبتي أول ما تقول لج الدكتورة ادفعي ادفعي كإنج بتسوينها من ورا فاهمة علي وانتي تدفعين لا تصارخين لأنج راح تتعبين زيادة وارتاحي شوي ورجعي دفعي لحد ما تقولج الدكتورة طلع الراس ادفعي بكل قوتج،انتي لا تحاتين أهم شي اتبعي تعليمات الدكتورة وقت الولادة . هي راح تقولج ادفعي وراح تقولج ارتاحي.
أنا في أول ثلاثة ما حسيت بإني أبا أدفع بس كنت أسمع للدكتورة وأنفذ اللي تقوله خخخخ بس في الرابعة الحمدلله حتى قلت للدكتورة وهي تحطني على السرير إن بنتي تبا تطلع وما اتحملت ودفعت وطلعت بسرعة.
الله يسهل عليج حبيبتي وتولدين بالسلامة وأنصحج تمشين لأن يقوي عضلات الحوض وايد ويخلي نفسيتج مرتاحة.
كل وحده على وشك ولاده وجايبه عيال تشاركنا بمخاوفها
متابعة النقاش، صفحة 5