أبغي افكار للصدقه

السلام عليكم

بنات الحمدلله اني كنت اتصدق؛ بس من مرضت احاول اتصدق شبه يومي

لو طلعت من البيت حتى لو بدرهم، او يوم اعبي السياره بترول اعطي العامل

بسكوت؛ واحيانا في المول اللي يغسلون السيارات يسألني اغسل السياره

فأقوله لا لكن اعطيه لودرهمين؛ يمكن هذا شي قليل

لأني حاليا ما اشتغل وان شاء الله ربي يعوضني خير

او اشتري بارد من البقاله وأوزع على عمال النظافه

ومع هذا الواحد مايتكلم اذا تصدق

ابشروا انه ما اتكلم لكن انا اسألكم وانتوا ماتعرفوني

ابغي افكار للصدقه

او انا بسألكم هل يستوي اشتري كيس رز صغير او عدس واعطيهم

او تمر او رصيد للجوال ومعاه شي ثاني والا شو الافضل ؟!

او اشتري شي بسيط

ياليت تشاركونا

11 تعليق 1,667 مشاهدة

شاركي في النقاش

سجلي الدخول لإضافة تعليق.

التعليقات

11
  1. فكره كثير منتشره عندنا 
    بجاما+قبعه+قلفز+شراب صوف واعطيها للعمال اللي عادة بيشتغلوا في الشوارع سواء عمال نظافه او محطات او غيرهم جدا يفرحوا فيها في هالبرد والله يكتب اجرك 
    امس كنت في السوق وانت ماشيه اعطيت العامل ريالين ماانوي شي غير رضى ربي بس والله اول ماجيت البيت اعطتني امي 500 ريال الحمدلله يارب كنت محتاجتها
    يشهد الله ماذكرتها مراء ولكن لاشجع البنات على الصدقه والله لايحرمنا الاجر. 
  2. @ghla_amy_ykfyny

    تقدرين تشترين كم سجاده وتحطينها في المساجد الا في المحطات
    او مصحف
    وتقدرين تشترين كراسي بلاستك وتحطينها في المسجد لكبار السن
  3. العمال يفرحواا بأي شي بسيط

    الطيور حطي لهم بقايا رز او اي حبوب على نافذه غرفتك او بالحوش

    حتى اخوانك الصغار فرحيهم بحلويات
  4. @am_asyl_alhloh_1

    تقدرين بقايا الغدا الرز تحطينه فوق السطح او في اي مكان توصل له الطيور تأكل منه والدجاج حطيه في مكان توصل له البسس
    وخلي معك دائم فكه للعمال
    وأشتري للمسجد كرتون مويه
    لو مصاحف
    حطي بالسوق سجاده يصلون فيها الحريم لاصارو بعيدين عن المصلى
    بعض الاسواق فيها جمعيات خيريه تصدقي عندهم بصدقه جاريه
    اكفلي يتيم ان استطعتي
    اشتري للعمال قبعه وشال وشراب وقفاز
    او شال كبير
  5. @bnt_alhashmy

    صاحبة الموضوع
    مشكورين يا بنات ربي يجازيكم الجنه

    بالنسبه للمساجد توجد مصليات للنساء والحمدلله اغلبها فيهل كراسي او ماء

    هل اشتري مثلا تي شيرت ..?

تابعي تجارب أخرى من هذا القسم.