رجعت بعد الطلاق

أنا منزلة موضوع من كم شهر أني تطلقت لان زوجي مو راضي يأخذني معاه البعثة أنا وعيالي تاركني عند أهلي من ثلاث سنوات وجاء قبل نهاية العدة ورجعني وأخذنا معاه للبعثة والآن لنا أربعة شهور في الخارج لكني ندمت ع رجعتي وراني كل انواع الذل والإهانة من سب وشتم وتفل حتى كرهت نفسي واولادي تأثرت نفسياتهم من اللي يشفوه كل يوم يارب رحمتك حاولت افهمه ان الخلاف ما يكون قدام العيال لكنه صار يعاندني بالشيء هاذا لكني مع كل انواع الاهانة اللي شفتها ما فكرت في الطلاق وهو يقول انت ما عندك كرامة ليش متحملة هاذا كله ودائما يهددني انه بيرجعني السعودية وانا صابرة وساكتة كله علشان عيالي والآن جاني تعيين وراجعة السعودية بعد شهر ***** الله لكن بعد ماجات الوظيفة صرت أفكر في الطلاق لآني ماراح أتحمل الاهانة اكثر من كذا قدام أولادي أنا الان أبغى منكم نصيحة لانه ماعد ينفع تفاهم وصلنا لطريق مسدود

46 تعليق 14,456 مشاهدة

شاركي في النقاش

سجلي الدخول لإضافة تعليق.

التعليقات

45
  1. انا معاك

    اذا فقد الاحترام بين الطرفين فالحياة قاسية

    والحمدلله اللي سهل لك الرزق من غيره

    بصراحه رجال يتعامل معاك كذا ولا يهمه احترامك وتقديرك قدامه وقدام عياله هذا ما يستاهل البعثه

    البعثه لناس عقولهم كبيره وفاهمه و راقيه
  2. @am_maatz_6

    انتي كذا كذا راجعه بآذن الله للسعوديه وهنا اتفرغي لوظيفتك وهو بالطقاق الي يطقه خليه بلحاله يصول ويجول في بعثته تلقينه كان ناوي على اشياء ورافض من الاساس فكرة سفرك معاه وطلقك من حرته ماعطيتيه مجال ويوم صرتي عنده صار يذوقك الويل عشان يطفشك وربك من سابع سما فكك منه بهالوظيفه حبيبتي ارجعي ديرتك معززه مكرمه وبلاش اطفالك يتعذبو كل يوم على منظر وهو لاعاد تسألي فيه خليه يحبي وراك ويدور اثرك
    اسأل الله لك التوفيق والله لايحوجك له قولي أمين
  3. @kyady_1

    طنشيه وعيشي حياتك كأنك مطلققه واهتمي بعيالك  وبنفسك وبوظيفتك وبعد الطلاق فيه مشاكل لا تحسبين الطلاق هو الحل اذا هو بهذي الاخلاق ماراح تتخلصين منه بسهوله

تابعي تجارب أخرى من هذا القسم.