شهررررررررررر ... ماصااااارت افكر ارووووووح لاهلللللي

                              السلام عليكم ورحمة الله وبركاته 
انا امر بوضع  مو عاجبني ابدا وابيكم تساعدوني وابي اراء حكيمه واللي  ماعندها شي زين تقوله لاااااترد 
انا يا اخوات لي شهر متزاعله مع زوجي ... بديناها بنقاش عادي  ونسيت انا السالفه واكلمه واسولف معاه يرد علي من طرف خشمه  جلسنا 3 ايام ع هالحال رحت له وقلت ابي اروح اشري اغراض (كان يوم سبت ) قال ماني رايق  اذا رقت يصير خير  ويقولها بنفس خايسه اول مره يرد علي بهالاسلوب .. قلت له خلاص ودني لاهلي قال انا مابي اطلع اليوم نهائي ابي ارجع اناااام لبكرا  يبي يستفزني ( انا ماهمتني الطلعه بس اسلوووبه غريب  ).. المهم  قلت له لك يومين تكلمني بطرف خشمك وزعلان  واللحين تقول مو رايق وش هالاسلوب  احتد النقاش وخربها قال انتي  غثيثه وابيك تسكتين على نعال .. ماااااعمر زوجي كلمني بهالطريقه .. سكت وطلعت من عنده مصدوومه اول مره يقول لي كلام كذا .. ولما جاء الليل اخذت فراشي ونمت برا الغرفه .. جلست يومين ..بعدين رحت عنده قلت ودني لاهلي قال وش عندك قلت طفشانه جالسه بين اربع جدران قال اجلسي مع الجدران اونس لك .. استفزتني الكلمه قلت له خير وش هالاسلوب الجديد قال كلامي وانا حر اقول اللي ابي  قلت يعني وش المطلوب قال ابيك لا اسمع لا ارى لا اتكلم .. ومن هنا السالفه كبرت كلمه منه وكلمه مني  قال لي روحي لاهلك  ومع السلامه ومايجي نص الشهر الا وانا طاق ع راسك وحده ماوقفت عليك (كان يكلمني ببرووود ) رديت عليه ماسكت له وطلع من البيت واتصلت على امي وقلت لها قولي لابوي يجي ياخذني بسرعه قامت امي تهديني  وتقول امسكي بيتك وهذي لحظة غضب اصبري .. سمعت كلامها وجلست بالبيت انام  بغرفه وهو بغرفه ., نهاية الاسبوع رحت لاهلي نمت عندهم كم يوم وامي لما عرفت اني طلعت من الغرفه قالت ليه ومايصلح ونصحتني اذا رجعت ارجع انام بغرفتي وفعلا لما رجعت رجعت انام بالغرفه معاه .. مر  اول اسبوع ثاني اسبوع ثاااالث اسبوع واحنا في حالة صمممممت كل واحد مايدري عن الثاني هو يروح ويجي وانا منطقه بالبيت وفعلا صرت لا اسمع لا ارى ولا اتكلم  وكل نهاية اسبوع اروح لاهلي انام كم يوم وارجع .. اليووووم كنت طفشااانه بطق من الطفش ارسلت له ابوي بيجي ياخذني قال وين ياخذك قلت بروح مشوار وارجع بالليل قال اوك 12 وانتي بالبيت قلت مدري ع حسب ابوي لانه مشغول قال كلامي مو صعب افهمي قلت 12 تكوني بالبيت اتصلت ع ابوي وقلت له لايجي لان ابوي اذا بيرجعني بيرجعني 1ونص او 2 فقلت افتك من المشاكل ..  الرجال انقلب 180 درجه والله ماكان كذا مستحيل يكون هذا زوجي والله من كثر ما اهلي يحبونه امي تدعي لاختي بزوج مثله  لانه زين معي بس مدري وش فيه افكار سوداء تجي ف بالي وتروح  يابنات زهقت وربي زهقت امي تقول تكلمي معاه بهدوء وانا رااافضه ماراح اتكلم معاه نهائي عزت نفسي ماتسمح لي  هو تكلم علي وانا اللي ارجع اكلمه عشان اصلح الموضوع مرره مو متقبله الفكره .. انا افكر اروح لاهلي واشوف وش نهاية السالفه  ..  ابي رايكم يا اخوات ودعواتكم  واللي ماعندها شي زين تقوله لاترد مابي تجريح ( قل خيرا او اصمت )