تعالي اكتبي قصة عشتيها أو سمعتيها من اغرب ما يكون/ تعدى الحد المسموح له من االردود

جارتي مره كانت تحكي لنا قصة واحد من عيالها
هي قبل 30 سنة كانت حامل و مرت شهور الحمل بخير و سلام
لحد ما وصلت للتاسع و تعرفون البطن تكون كبيرة
و في يوم نامت و صحيت من النوم و ما لقت البطن انفجعت
قالت يمكن ولدت و لا حسيت و راحت تدور بالبيت زوجها شافها انفجع
يحسبها ولدت قالت له لا قمت لقيت نفسي كذا
و سبحان الله بعد حمل 9 شهور أختفى الجنين بيوم واحد
و راحت المستشفى ما في شي و تعالجت عن مشايخ
و لا اذكر حقيقة ايش صار بعد العلاج لكن اللي اعرفه ان الحمل
القديم رجع ظهر و ولدت بالسلامة بعد سنة

هاذي قصه عن أشخاص من عايلتنا وبقول كم الحين من هم لأكن يمكن ماتصدقون لأكن قدرت الله فوق كل شي خليني اقول كم السالفه كامله مره وانا في تبوك الورد كان يوم جمعه الا ناسيه ان اهلي ألخميس يعني قبلها بيوم كانو يحضرون عرس ولد عمي جيت دقيت على بيت اهلي زي عادتي كل جمعه وترد علي الخدامه قلت لها وين ماما قالت مستشفى قلت ايش قالت ماما أمس سوي اكسدنت مع مدام وبنت انا مافهمت عليها ومعها مدام فلأنه الي هي زوجة اخوي واروح ادق على زوجة اخوي وقالت لابس حادث بسيط وخالتي الي هي امي انكسرت رجلها والباقين طيبين كلمت امي فهمت منها انها مكسورة وان الصدمة خفيفه وان بنت اختي وحده مكسور كتفها الترقوة والثانيه كدمات وأختي ماجاها شي لاماارتحت وجلست اهوجس ومن بكره جيت الرياض والطول رحت للمستشفى لامي وبعدين زرت بنت اختي الي قصتلي القصه كامله قبل اكانو في زواج وفيه حرمه نشبت لاختي تبي تخطب بنتها وتقول طول الوقت تطالع فيها هي اسم الله عليها ملفته وبيضاء وشاطره في دراستها وتمسكت فيها اكثر يوم عرفت قسمها وشو تقول وطلعنا من الزواج تقول السياره أصلا ثلاث مراتب قالت بنت اختي لاختها لاانا بركب وراء وانتي قدام وركبت وراء الي انخطبت الكبيرة والصغيره وأختي ام البنات وأمي في المرتبه الثانيه والسواق قدام وتوهم مستعدين الا يجئ واحد ويصقعهم صعقه خفيفه مره وراح وهم كملو الطريق وفجاءه انقلبت السياره فيهم وقامت اختي قالت لسواق طف السياره تشهدو وقعدو يستشهدون اختي قامت تقول اللهم اخلفني في مصيبتي وارزقني خيرا منها وبعدها ماعاد يسمعون الا صوت السياره وهي تتقلب وقفت قبل الكوبري تخيلو انقلبت من خط سيرها لخط السير الثاني فجاءه وكفرات السياره فوق وهم تحت انفتح الباب الي من جهة اختي وبنت اختي الصغيرة راحت وراء وارجعت قدام عند رجلين اختي امي نفس مكانها وأختي الي وراء ما يدرون وينها اختي أنزلت من السياره وفجاءه وقفو شباب عيال حلال الله يوفقهم وين ماراحو ويخليهم لأهلهم ويرزقهم وقفو سيارتهم بالعرض وواحد يوقف السيارات الي ماشيه لان الحادث وسط الشارع ووجاء لاختي وسألها من معك وراحو جابوسجاده من سيارتهم وخلو اختي تجلس وراحو جابو بنت اختي الصغيرة وبعدين امي ويحطونهم عند اختي وواحد جالس يحرسهم وكأنهم أهلهم وبقي السواق قال من باقي قالت اختي بنتي وينها الكبيرة تدرون وينها يوم انقلبت السياره طارت في الشارع وطرحت على كتفها الي انكسر بعدين وغنى عليها لأكن صحت سبحان الله وزحفت الين الرصيف وراحو جابوها ويوم خلصو واحد دق على الإسعاف واحد يدق على ولد اختي وراحو جمعو الشنط والمفاتيح ومفتاح السياره وعطاهم اختي وأختي فضخت الذهب الي على امي وحطته في الشنطه ولد اختي جاء وصعق يوم شاف السياره يحسبهم ماتو الين وصلهم وأخوي كذالك وارتفع سكره من الروعه السياره وشوف عيني في الصور هما تحملت يوم شفتها جلست ابكي متعفطه من كل جهه كنها قوطي لأكن الله الي حمامهم سبحانه وتعالى بنت اختي كسر في الترقوة وأمي رجلها وخشمها واليد من وراء من عند الكتف والنظاره ضغطت عيونها وصار فيها كدمات حولين العين والسواق كسر في العمود الفقري وبنت اختي الصغيرة بس كدمات بسيطه اختي ماجاها ولاشي وبعدها امي جلست أسبوعين في المستشفى هي السواق وبنت اختي طلعت ثاني يوم بس غير الكسر فيها شوي كدمات وأمين جعلكم ماتذوقون الي ذاقوه جلوس فتره عندهم فوبيا من السياره غير طبعا الكسر وحالت المريض النفسية كل ماجيت البيت جلست ابكي خاصه ان امي سكر وضغط وكبيره بالسن وعندها احتكاك في الركب وما تمشي الا بالعصا وحالتها النفسية صارت زفت وقتها

الحمدلله على سلامتهم
الله حفظهم يارب لك الحمد

ايه هاذي حقيقه مافيها كلام
هو اكيد تعذيب الحيوانات حرام بس البساس اكثررررهم مسكونات بسم الله الرحمن الرحيم واللي ولدها عذبته هاذي مسكونه ومات ولدها وجت تنتقم الله يحفظنا ويحفظكم اجمعين

سبحان الله وبحمده سبحان الله العظيم