2- قِرّوّبِ أٌقُبٌلِتُ أَحٌلّى 6ـرۈۉسُ تٌجّمّعِ عًرٌأَيُسّ 1434هـ \1435 اكتفى بالردود

يعطيك الف عافية ي عسل

^
لا حول ولا قوة الا بالله ,, الله يشششافيييك ي قلبي
اتصصدقي وادعي و روحي عند شيخ وادهني شعرك بزيت زيتون مقري
والله م ادري ايش اقولك
الله يشششافيك يااارب


بعثرة
ششككرا ي قلبي يعطييييييك العافيييه

بنات في وحدة فيكم لما انخطبت انبسطت و اتحمست و كل شي تمام و فجأة خافت و ندمت؟

مو من العريس و اهلو لأنهم ماشاء الله مافيهم الا كل خير بس نفسيا حاسة بندم اقول لنفسي انا ايشلي
و ايش الزواج و التعب و التجهيز و النقلة على بيت جديد و حياة جديدة و تعب و مسؤولية و شايلة
هم الدنيا كلها و الله بس ما اقدر اسحب على الناس خلاص اعطيناهم الموافقة و حرام كمان وجه ابويا
يطيح قدام الناس و اكيد الناس مرتبين امورهم و كل شي خلاص

يا ربي ماني عارفة ايش اسوي

مع اني في بيت اهلي انا الكبيرة و بيتوتية يعني احب البيت و شغل البيت و الغسل و الطبخ و النفخ هادا كلو
اعرفلو الحمد لله يعني مو مستصعبة هادا الشي

بس افكر كيف اسيب امي و ابويا و اخواني كيف راح يمشي البيت كيف راح يدبرو امورهم كيف و كيف و كيف

اخواني ما يساعدو امي انا بس اللي اساعدها دحين لو انا رحت راح يصير البيت كلو على راسها

و شغالة احنا رافضين مبدأ الشغالات تماما الله يفك الناس من شرهم اعوذ بالله منهم

افكر دحين لو امي و ابويا صارت بينهم مشكلة مين راح يحلها و يهديهم؟ دايما انا اللي احل مشاكلهم قد ما اقدر بس اهديهم و امنعها تكبر لأن امي و ابويا عصبين و تصير بينهم مشاكل كتير

و في اشياء كتير شايلة همها بس طبعا ما اقدر اكتب كل شي

انا شايلة مسؤولية البيت مع امي عشان كدا شايلة هم و ماني عارفة كيف راح اروح و اسيب كل شي على راسها

المشكلة ان عمري صار 29 و انا كل ماجاني خطاب ارفضهم و ابويا الله يخليه و يطول في عمرو هو و امي عمرهم ماجبروني الحمد لله

بس اشوف الحزن في عيون ابويا لما اقوللو لا ما ابغا

في فرح اختيني اللي اصغر مني قبل سنة و شوية تقريبا اشتريت فساتين طبعا منفوشة و حلوة و لما لبستهم و وريتهم لأبويا قللي كلمة لدحين فاكرتها قللي يا رب يا كريم اشوفك عروسة لابسة الفستان الابيض

فقلت لنفسي هدول الناس طيبين و ابو العريس صاحب ابويا من لما كانو صغار يعني يعرفو بعض مزبوط و ناس مرة طيبين و انا كمان لازم افرح اهلي و اشوف حياتي مو معقولة اجلس في بيت اهلي للأبد عشان كدا رضيت

فرحت فترة و دحين بدأت احس بالندم و مستحيل اسحب طبعا و اكسر فرحة امي وابويا و اسود وجههم قدام العريس واهلو بعد ما اعطيناهم الموافقة

عارفة انو كلامي ملخبط و نصو مو مفهوم بس و الله من الضيقة ماني عارفة ايش بقول

بنات

هل هالشي طبيعي و لا انا ابالغ؟

كمان من حقي اشوف حياتي و اتزوج و اكون عيلة و افرح انا البنت الوحيدة في العيلة اللي فوق ال23 و مو متزوجة هادا اولا

تانيا امي و ابويا دايما يدعولي اتزوج و يشوفوني عروسة و ان ابغا افرحهم و افرح بنفسي كمان

طيب ليش ندمانة دحين و ليش شايلة هم؟ ليش ماني قادرة افرح زي باقي البنات؟

ماني متحمسة على شي ابدا على طول افتكر و اشيل هم

و الله حرام كدا

و الله حرام تخربي زواجك عشان مشكلة زي كدا و كمان باقيلك شهر بس؟ لا ابدا ما انصحك

شوفي انا مالي خبرة في الشعر و غيرو بس اللي شعورهم خفيفة و فيها بقع صلعة (معليش على الكلمة) انا اعرف انهم يسوو زراعة شعر و يطلع شعرهم حلو ماشاء الله لأن الشعر الجديد راح يندمج مع القديم و يغطيه

ما اعرف دكتور بس انا لو منك ما اضيع وقتي و اسأل الناس شوفي ايش المستشفيات اللي عندكم في البلد واللي سمعتها طيبة و روحي اسألي فيها اذا في دكتور او دكتورة يعالجو هادي المشاكل و يعملو زراعة شعر

روحي كذا مستشفى و كذا عيادة و خدي اسماء دكاترة بعدين اسألي عن هدول الدكاترة و استخيري و ان شاء الله تنحل مشكلتك

لا تدوري خلطات و عطارين ماراح تستفادي بسرعة لأن شغل الخلطات بطيئ و يزبط مع ناس و ناس ما يزبط معاها

جربي نصيحتي و بإذن الله ماراح تندمي

حبيبتي انصحك بشدة انك تسوي زراعة للشعر سوي بحث على النت و شوفي كيف نتايجها حلوة ماشاء الله صدقيني راح تكون نهاية تعبك مادام الادوية مافادت ان شاء الله هادي الشغلة تفيد