اطلب الرقم مرة تانية او لا؟

السلام عليكم و رحمة الله و بركاته

بنات اعتبروني اختكن الصغيرة و انصحوني الله يجزيكن الخير .

انا مخطوبة من سنة و نص لابن عمتي طبعا مو هي المشكلة و عندي سلفتين وحدة متزوجة من زمان و بعتبرها متل اختي من قبل ما انخطب و التانية مو من نفس بلدنا و تزوجت بعد خطبتي . طبعا نحن كل وحدة عايشة ببلد مختلف عن التاني .

من فترة عمتي قالتلي اصير احكي سلفتي التانية كمان متل ما بحكي الاولى مشان ما تحس حالها غريبة او تفكر انو من بلد تاني من هيك ما كتير منحتك فيها قلتلها انا ما عندي مشكلة معها ، المشكلة انو هي ما بتعرف تحكي عربي (مع انو هي من بلد عربي) فما في لغة مشتركة اقدر احكي معها .
المهم مشان ما تزعل عمتي اتصلت مرة لما كانت عند عمتي و قلتلها بدي رقمك ، قالتلي ما بعرف اعطيك اياه (بسبب اللغة) و انو خلي فلانة (سلفتي الاولى ) تعطيكي اياه ، حكيتها لسلفتي قلتلها بدي رقم فلانة قالتلي اوكي ببعتلك اياه عالواتس و مر اسبوع و لهلا ما بعتتلي شي مع انو بشوفها داخلة .

يا بنات بعرف المشكلة بنظركن تافهة بس لاني صغيرة و مالي بهيك شغلات ما بعرف شو التصرف السليم . من قبل فترة كنت حس انو سلفتي الاولى غيرانة من التانية انو ليش من غير بلد و اكبر منها و الخ فهلا قلت يمكن ما بدها تعطيني رقمها مشان ما اصير احكي معها كتير ( ما بعرف مجرد توقع ما بدي اظلمها) مع انو بالفترة الاخيرة حسيتها متغيرة معي و احيانا بكتبلها و ما بترد مع انو بتكون فاتحة

باختصار يا بنات ارجع اطلب منها الرقم مرة تانية او لا؟ انا مصرة كتير لانو سمعتلي كم كلمة من عمتي و ما بدي اسبب مشاكل

يلي بدها ترد رد جارح احسن ما تكتب شي