اخواتي الحبيبات جميعا بدي طمنكن عن جوزي هو واهلي بألف خير هنى عايشين بقلب بيروت بعيد عن القصف في الضاحية الجنوبية بشي نص ساعة بالسيارة وعن مناطق الحدود بس الوضع صعب كتير وانا هون كتير قلقانة وبدي كون ببلدي وحد جوزي الله يحميه ويحمي كل لبنان والشام يارب وانا كان على اساس ارجع الاربعا بس طبعا المطار دمر بالكامل وحولوا الرحلات لمطار دمشق وعمان بس ما فيني روح على دمشق وبعدين ادخل لبنان عن اي طريق بري لان الطرق كلها مقصوفة والجسور مدمرة وما في غير طريق طرابلس وهو كتير صعب وفي مجازفة وخطر على حياتي اذا سلكته:(
دعواتكن الي اخواتي بعرفكن ما بتقصروا بس الوضع كتير صعب ونحنا كلنا على كف عفريت ومتل ما قالت حبيبة قلبي حلا ماعرفين راسنا من اجرينا الله يستر يارب
بس بحب بشركن ان اسرائيل مدمرة بسبب هجمات حزب الله عليها بس هنى حريصين على التعتيم وبيخبوا اللي عميصير عندن لحتى ما يهيجوا الشعب اليهودي نفسه والرأي العام اليهودي عليهن ومايفرجوا العالم هزيمتن اللهم عليك بهم اللهم انا نجعلك في نحورهم ونعوذ بك من شرورهم
الف حمدلله على سلامتك ام علي ومتل ما ودعتي تلاقي ان شالله وترجعي بألف خير بعد ما تقضي صيفية سعيدة مع اهلك يارب وان شالله الصيفية الجاية بيكون معك ابنك امين يارب
كل اخواتي وحبيبات قلبي بدون ذكر اسماء مشتقتلكن كتير وان شالله قريبا برجع على بلدي لبنان وبحكي معكن من هونيك ونحنا منتصرين ورافعين راسنا يارب
تابع شلة الأمل بالله للراغبات بالحمل باذن الله........
متابعة النقاش، صفحة 251