السلام عليكم و رحمة الله و بركاته
اخواتي انا من زمااااااااااااان متابعه للمنتدى و اخيرا عرفت اسجل و جايه مصدومه و مقهوره اول مره ما اعرف اتصرف حابه اخذ رايكم و تنصحوني كيف اتصرف و اعذروني لو الموضوع طويل بس من القهر اللي فيني
اولا في اشياء لارم تعرفوها عشان تفهمو مشلكتي
انا عايشه في الخارج و جيا للوطن زياره و انصدمت
بيت اهل زوجي ماشاء الله مرررره كبير و عندي هناك جناح غرفة نوم و غرفة جلوس و تلفزيون و حمام الله يكرمكم و ثلاجه صغيره للعصاير و الماء و الحلى عندي ركن فيه غلايه و كوفي عشان ما اقعد طالعه نازله للمطبخ للاشياء البسيطه
قبلما اسافر فضيت التسريحه و حطيت عطوراتي و الميك اب في درج الكوميدينو و غطيت التسريحه و السرير و باقي الاشياء عشان الغبار و تظفت الغرفه و بخرتها و حطيت المفتاح عند ام زوجي و ذهبي كمان حطيته عندها
علاقتي بام زوجي جدددددددددددددددا رائعه اعتبرها امي لاني يتيمة الام و هي كمان تعاملني معامله رائعه و اخوات زوجي نفس الشي و عمري ما حصلت بيننا اي مشاكل حتى عند الناس تمدحني كثيييير و انا و ربي احبها و عمري ما ذكرتها بسوء ابدا
المهم سافرت و جيت زياره و لقيتهم نظفو الغرفه قبلما اجي و بخروها و غيرو لي المفرش بمفرش عرايسي مع ان عندي مفارش كثييييييير بس اقول ام زوجي من فرحتي انكم جايين ما دريت ايش اسوي لكم و كمان حطو لي سجاد ثاني و شالو السجاد الاول مع انه نظيف و جديد
طبعا لما دخلت غرفتي فرحت قلت جزاهم الله خير و شكرتهم
و كل يوم الاحظ اشياء في غرفتي مثلا الابجورات مكسوره درج الكوميدينو مكسور الغلايه مو موجوده بالغرفه بعض الاغراض اللي في الحمام مو موجوده ريموت التلقزيون و المكيف مو موجودين
طبعا استحيت اني اسال عنهم خفت يفهموني غلط و طنشت و غيرت اابجورات و اشتريت ريموت و صلحنا الدرج المكسور
و في يوم شلت السجاد عشان اكنس تحته و ارجعه طبعا تحت السجاد موكيت لقيت الموكيت اسوووووووود و هو لونه الاصلي بيج
قمت جبت داك للسجاد و مسحت و ظليت 3 ايام على هذا الحال و يادوب نظفت
و في يوم سالتني ام زوجي ليه يا بنتي تتعبي نفسك كذا انتي جايه اجازه استمتعي فيها قلت لها الموكيت وسخ و ما قدرت اتحمل الوسخ
قالت و الله يا بنتي ماحد دخل غرفتك ابدا ابدا
قلت لها ادري يا امي و انا مو قصدي شي و الله بس حبيت اوضح لك لما سالتيني
والحمام اكرمكم الله لقيت بقع في البانيو و الكرسي الله يكرمكم و كل يوم انظف بفلاش عشان تروح البقع
قالت ليش تتعبي نفسك قلت و الله الحمام مبقع يمكن لانه مهجور سنين قالت ايوه صح
طبعا من يوم جيت يا بنات و ام زوجي ما تخلينا انا و سلفتي نجلس لوحدنا ابدا سلفتي عايشه معاهم بنفس البيت و ما تخلينا لحالنا لو بس لمحتنا لحالنا تجي تجلس معانا او بنتها تجي تجلس معانا انا استغربت بصراحه بس طنشت
المهم في يوم اراد الله التقي انا و سلفتي و قالت لي يا فلانه المره الجايه لما تسافري خي مفتاح غرفتك معك
قلت لها ليش عادي ما بلقي حد زي ام زوجي تحفظه
قالت انا بصراحه مو قادره اسكت بقولك الحقيقه غرفتك كانت اربعه و عشرين ساعه مفنوحه و كانت مخزن يحطو فيها اغراضهم القديمه زي السجاد و الفرش و كذا
و الحمام الاولاد يستخدوموه و درج الكوميدينو مكسور صح؟ قلت لها ايوه قالت لانه الداخل و الخارج يفتحو و يترشرش بالعطور و يطلع
و الابجوره مكسوره ام زوجي يوم دخلت الغرفه و طلعت منها و الابجوره مكسوره و الغلايه اخذتها من الغرفه و رمتها مع اني يا بنات قبلما اسافر نظفتها و نشفتها و حطيتها بالكرتونه عشان ما تصدي
و قالت ملابسك كانو البنات يقيسوها اانتي عندي فستان لونه كذا و كذا ووصفته بالضبط قلت لها ايوه قالت البنات قاسوه و يضحكو طبعا هذا الفستان منا تعرفه سلفتي و لا اي حد لانه قصر البسه عند زوجي فقط
و في اشياء الاولاد اللي بالجامعه و الثانوي يتفرجو عليها و يطلعوها للصاله يضحكو و يرجعوها
و التلفزيون طلعوه للصاله اساخدموه و لما عرفو انكم جايين رجعوه عشان كذا الريموت ضايع
و السجاد صار وسخ مررررررررره و من كثر الدخله و الخرجه للغرفه و غيرته ام زوجي لما عرفت انك جايه عشان ما تستغربي لكن الموكيت كشفهم لما قلتي لهم انه وسخ
ااااااااااااااه يا بنات بموت بموت من القهر ليش يسوو فيني كذا؟؟ و ربي اعتبرهم مثل اهلي و شفت اشياء ناقصه بالغرفه بس مع هذا ما شكيت فيهم و لا سالتهم لاني احس مستحيييييييييل يسوو كذا حتى استحيت اسالهم لاني اعتبرهم اكثر من اهلي
اكثر شي قهرني الاولاد لما يفتشو اغراضي اااااااااااه و ربي قهر و قلة ادب
احس حد كب عليا مماء باااااااااااااااااااااااارد ما قدرت انام يومين من القهر و الصدمه
طبعا ما كلمت زوجي و لا بكلمه لاني عصبي و بيزعل و انا اشوف ان علاقته باهله اهم من ذي الحاجات كلها
و سلفتي قالت انهم حذروها لا تقول لي شي عشان كذا ام زوجي ما تخلينا نجلس لوحدنا تخاف ان سلفتي تقول لي
بنات انا متاكده من كلام سلفتي لانها قالت لي اشياء ماحد يعرفها الا انا ووصفت لي كل شي بالشكل و اللون
انصحوني بنات و ربي مو قادره حتى اسلم عليهم و لا ابتسم لهم مقهووووووره ليش يسوو فيني كذا؟
لما بسافر باخذ مفتاحي معايا بس زوجي حيستغرب ايش اقوله؟؟ و هم ايش اقول لهم؟؟
لو انتو مكاني ايش تعملو اتمنى تتفاعلو معي و تعطوني حلول عقلانيه ما ابغى مشاكل و لا ابغى زوجي يخسر اهله
و اعتر اني طولت عليكم بس من قهري يا اخواتي
شاركي في النقاش
سجلي الدخول لإضافة تعليق.
التعليقات
123- اذا كنتي ما تبغي تصير مشاكل واحتسبتي الامر عند الله خلاص لا تخبري زوجك والمفتاح اتركيه اذا سافرتي لكن لا تتركين في غرفتك إي شي خاص اخاف اقول لك لا تعطينهم المفتاح ترجعين تلاقينهم قالبين عليك دامهم طيبين خلاص مشيها لهم صحيح حركتهم ماهي حلوة وقلة ذوق لكن خلاص صارت وانتهينا وطالما انهم غيروا فرش الغرفه هذا دليل انهم خجلانين من تصرفهم
- حبيبتي قفلي الغرفه وخذي المفتاح معاك لمن توصلين هناك قولي اووه نسيت اخلي المفتاح عندكم نسيته معاي بالشنطه وبكذا ماراح يشكوا انك دريتي وراح تحافظي على اشياءك
- والله سلفتك تخوف حتى لو كﻻمها صدق المفروض ما تقول لك صحيح تصرفهم غلط بس مايحق لها تفتن بينكم
انا لو مكانك ما راح اتكلم دام انهم جددوا لك غرفتك خﻻص انسي الموضوع وﻻ تفتحينه عادي وانتي مسافره اقفلي غرفة نومك واتركي مفتاح بقيت القسم عند ام زوجك عشان ما تاخذ في خاطرها وتخرب عﻻقتكم المهم غرفة نومك تنقفل وانتبهي من سلفتك الي يحكيلك يحكي عليك هذا الي عندي وانتي براحتك - كان ماعطيتها بس اللي فات مات ، اذا بغيتي تروحين قفلي الغرفه واذا قالك زوجك شي قولي ماابي اكلف على اهلك وكل ماجينا غيروا المفارش استحي منهم ، والمفتاح افضل يكون معي ، لا اله الا انت سبحانك اني كنت من الظالمين
- انااقول خوذي المفتاح معك ولاتفاتحين زوجك بالموضوع واذا جاب طاريه قولي نسيت اعطيه امك وامه ماتوقع انها بتقول لك هاتي المفتاح
مواضيع مشابهة
تابعي تجارب أخرى من هذا القسم.